الموضوع: انثى تبحث عن عربية :')

مبدئياً اعذروني على اسم الموضوع بس انا قريت ٥٥٥٥ موضوع هنا وملقتش بنت او ست او اي حاجة فيها تاء التئنيث حتى *غير العربيات* :') طبعاً دة لخبرتنا القليلة ف العربيات والكلام دة كله *وطبعاً دة عشان احنا مش بناخد الاولوية ف تعليم السواقة زي الرجالة* مش موضعي انا كدة الفيمنيست اللي جوايا هتطلع ومش هعرف اسكت
مشكلتي يا سادة اني فاشلة تماماً ومش بفهم اي حاجة ف العربيات وبيتضحك عليا ف المعارض ب طريقة غريبة.. يعني من كام يوم واحد كان بيحاول يقنعني ان الاكسنت "الهاي لاين" مرتفعة عن الارض اكتر من الفئة الاولى .. كنت قربت اقتنع بس انا اه مش بفهم ف العربيات بس مش غبية اوي كدة.. مش موضعنا بردو انا نويّت انشاء الله اشتري البيجو ٣٠١ الهايلاين وبصراحة خوفتوني من التوكيل وكمان لان سهل يضحك عليا زي. ما انتو شايفين كدة وقريت موضوع لواحد كان قال مزودين ع فاتورته حاجات ولو مكنش اتكلم كان اتضحك عليه وانا ف المواقف دي بدفع زي الهبلة
يا ريت تساعدوني انا محتارة بين الاكسنت والبيجو ٣٠١ وموضوع التوكيل دة مخوفني وكمان قريت ان في مشاكل ف قطع الغيار وتكيف العربية، تيل الفرامل، الخ ..
ف يا ريت صحاب العربية يبشروني .. معظم المواضيع اللي قريتها كانت ع موديل ٢٠١٤.. قلت يمكن الموديل الجديد مفيهوش مشاكل
مع اني بردو ملاحظة ان مفيش فرق كبير بين موديل ٢٠١٤ وموديل ٢٠١٥ بس زي ما قلتلكو انا خبرتي ف العربيات مش قد كدة ومفيش حد جنبي يساعدني ف قلت اطلب مساعدتكو :) شكراً مقدماً.

لانسر شارك أو تويوتا يارس على حسب امكانياتك وأفضل من الريو والبيجو وكل الكلام دة كقطع غيار وإعادة بيع