الموضوع: ايه الفرق بين كورولا 94 الياباني والامريكي ؟

المشاركة الأصلية كتبت بواسطة اسلام كامل

انا عضو جديد مع اني كنت بزور المنتدي من اكتر من سنه بس كزائر بس وهو طبعا منتدي جميل واستفدت منو كتير
نخش في الموضوع انا لسه جايب تويوتا كورولا 94 امريكي 1800 سي سي اوتو محتاج اعرف من اهل الخبره كل حاجه عن العربيه مميزات وعيوب والفرق بينها وبين الكورولا اليباني اللي هي 1300 كاربيراتير وهل قطع غيارها متوره ولا لا وبتيجي منين انا اعد في الزقازيق وشكرا

ربنا يباركلك فيها عربيه اكثر من رائعه وده عن تجربه وعشره لمدة عشر سنوات اعرف فيها كل حاجه
وغالبا عملت فيها كل حاجه من تغيير محرك وفتيس
بخصوص الفرق بين اليباني والامريكي متمثل في اكتر من حاجه
اولا الشكل الخارجي بيختلف بسيط من حيث الاكصدمات في الامريكي بيكون فيها بروز اكتر وده لان تحت الاكصدام الامريكي شاسيه حديد وكمان فيه اختلاف بالنسبه للفوانيس الاماميه زي الاشارات واختلاف في قواعد الكشافات الاماميه يعني متركبش علي اليباني
بالنسبه للداخلي الامريكي عدادته مختلفه غالبا بتكون بالميل وكمان فيها ايرباج وطارة الدركسيون مختلفه وكراسي الامريكي اكثر فخامه من اليباني
بالنسبه للمحركات منها 2e . 4e . 5e . 7e محرك كاربوراتير والباقي انجكشن اللي راكب عندك 7 e وده محرك ممتاز واقتصادي في البنزين بالرغم السعه اللتريه العاليه وغالبا ملوش اي مشاكل تذكر
العربيه الامريكي بتكون اتقل شويه في الوزن حوالي 200 ك تقريبا
في اختلاف في نظام الفرامل
في المجمل بالرغم اني كنت راكب اليباني لكن كنت بحب جدا العربيه الامريكي
بالمناسبه انا اصلا شرقاوي وكنت بعمل كل صيانتها في الزقازيق
ربنا يديك خيرها ويحميك من شرها