اسؤال فرق اسعار العربيات علي كونتاكت وفي سوق الجمعه والسيراتو

**romioromio** · 27-01-2015 10:24 AM

السلام عليكم
انا بدخل علي كونتاكت بلاقي اسعار مبالغ فيها لعرييات قديمه وتعبانه
هل النت الاسعار فيه اغلي من الواقع
ولا هي العرييات سعرها زاد فعلا

علما اني موجود في السعوديه مثلا
في موقع اسه حراج السيارات زي كونتاكت كده بالضبط
بس الاسعار فيه فرق 3000 الي 5000 ريال بينه وبين سوق الجمعه لو العربيه عامله في رنج من 25 الي 50 الف وده للي بينزل السوق وعارف
لكن المشكله ناس مش بتثق في الحراج والاسواق فبيشتري من عالنت ويستسهل
وبياع النت بيزود براحته عليه
وقيس علي كده لو سعرها زاد بقي

الغرض من السؤال

1_عني لو بدور علي عربيه مثلا
اجيب من كونتاكت ولا اروح سوق الجمعه اللي في العاشر
ولو لقيت علي كونتاكت عربيه نضيفه هل السعر بيكون في تفاوض
انا عارف ان مفيش قاعده عامه بس بسال علي المتوسط
يعني تشتري منين افضل
وليه مبقاش في ثقة في سوق الجمعه

2_ ادونا مثال لو سيراتو 2010 او 2011
فبريكه او رشه اجزاء بره اوتوماتيك جنوط وقزاز ومرايات كهربا تكون رنج كام في الواقع عشان الواحد يعرف يفاصل مع بتوع كونتاكت
او حتي لو رحت سوق العاشر تكون عارف هي كده لقطه ولا واقعه ولا غاليه

شكرا

**ENG.MaRk** · 27-01-2015 11:02 AM

الميزة في سوق الجمعة إنك بتشوف الحاجة علي الطبيعة و ده بيوفّر عليك و بعدين انت بتبقي حاطط في دماغك range معين للفلوس و ممكن تلاقي حاجات أحسن و هو مشوار واحد بالمرة إنما لو دورت علي النت ممكن تبقي الصور قديمة و تلبس مشاوير علي الفاضي !!!
سوق الجمعة مش ميزة برضه لأن كله سماسرة و مع ذلك ممكن تفاصل و علي فكرة اللي بيعرض عربيته للبيع مش بيحط الإعلان علي كونتاكت بس لا ده بينزله في كذا مكان و ممكن كمان يكون بيروح سوق الجمعة :) !!!
بالنسبة بقي للأسعار ف أنا عايز أفهم حضرتك إن سوق المستعمل في مصر ماشي بالعكس يعني ممكن تشتري عربية (زي الكورولا) مثلا موديل 2006-2007 ب 140000 و تلاقيها ماشية أكتر من 200000 و هي كعربية ملهاش أي لزمة و مفيهاش أي نوع من أنواع الرفاهية و التكنولوجيا بتاعت الموتور و الجير بوكس قديمة و أنا حتي الآن ماشفتش ليها أي ميزة غير إن عفشتها جميلة بس ف تخيل انت بتدفع مبلغ و قدره عشان عفشة !!!

**romioromio** · 27-01-2015 12:10 PM

الف شكر للتوضيح
طب لو بدور علي سيراتو 2011 او 2010
في رنج ال 90 الف اوتو
هل فيه
ورنجهم كم لو لقطه
عشان علي كونتاكت في تفاوت في كل اعلان حوالي 10 الاف جنيه
كمان زي ما حضرتك قلت ممكن تضرب سفرية وتلاقي الصوره قديمه
او صاحبها مش صادق
وسفريات ومشاوير لكل عربيه

تاني حاجه
ايه رايك في سوق الجمعه
هل كله مضروب لان فيه اتجاه عام كده هنا في السايت
ان محدش يشتري منه خالص
مع ان انا افضل تمشي في السوق لكثرة المعروض والفحص عالطبيعه
لكن الناس كلها بالاجماع بتقلك حتلبس وش
ايه رايك في الكلام ده
تعليق خارج الموضوع
المشكله فعلا في مصر ان مفيش رنج معين في حاجه
يعني مثلا في السعوديه كورولا 2011 او 2012 مثلا
خلاص رنجها من 25 الي 33 كده وخلصت حسب الاوبشن والكماليات
يعني بتروح السوق وانت عارف الاسعار مسبقا
فبتدور علي الحاله المناسبة بس
استحاله بقي تلاقي واحده معروضه يقولك ب 40 او 50 ومخزنه واستعمال طبيب والهجص ده

لكن في مصر الصراحه
بلاقي علي كونتاكت عربيات قديمه اغلي من الزيرو
يعني المصري بيشتري ويركب 5 او 6 سنين
ويبيع وعايز يكسب كمان بال 10 وال20

والمشكله الاكبر ان الناس بتشتري برضه