الموضوع: محتاج المشوره في عربيتي النوبيرا

السلام عليكم ورحمة الله وبركاته


عربيتي النوبيرا الاوتوماتيك ...كنت عملتلها سرفيس كامل للفتيس الاوتو عند ميكانيكي من اسكندريه لظروف ما

وانا من القاهره

السرفيس كان تغيير زيت وكابل كيك داون وتنظيف مخ الفتيس بالبنزين وتنظيف فلتر

المهم اخدت العربيه وروحت ...العربيه كانت بتلخبط في النقلات وبتتأخر وساعات تفضل على النقله التانيه ومتنقلش

المهم انه هو هتعمل كده شويه عقبال مالزيت يدخل في اجزاء الفتيس

وروحت القاهره والعربيه فضلت تعلق ...روحت لميكاتيكي هنا راح رخى سلك الكيك داون

مشيت اسبوع كويس ورجعت تعلق وتلخبط تاني

وزياده على كده بقيت ترجرج لما اهدي اوي ..كأنها واخده غيار على الاول

روجت تاني عند واحد تاني ..قام شد سلك الكيك داون وقالي ده ممكن يكون السبب ...والعربيه اتضبطت يومين

وبعد كده رجعت تبرجل وترجرج والفتيس مينقلش ...وتفضل على الحال ده شويه وبعد كده تضبط لوحدها وتلاقيها ناعمه في النقلات وبتجري وكله تمام

يعني الموضوع بقى حالات

والفتيس كان سليم قبل السرفيس

حد عنده فكره ايه اللي ممكن يكون بايظ ؟؟؟

وحد عنده ميكانيكي فتيس يكون امين يفهم الموضوع ...بدل ما اروح لحد يقولي غير الفتيس ولا يعمل تصليحات ملهاش لازمه ويسرقني

ولا ارجع بيها اسكندريه عند الميكانيكي اللي عمل السرفيس ؟؟

انا عايز ابيعها بأي طريقه ومش هينفع ابيعها وهيا كده ..حتى ولو ان الموضوع بيحصل حالات علشان ميبقاش غش

انا اسف على الاطاله بس محتاج رايكم ضروري

وشكرا

استاذ viper ممكن نمرتك ضروري اكلمك ...علشان بصلح العربيه عند عاطف اللي انت صلحت عنده ...وفي الاول غير العلبه واتكلفت بالمصنعيه 550 وبرده فضلت العربيه بايظه وبعدين هيعمل طقم اصلاح وبيقولي 1000 على 550 تمن العلبه ...يعني انا كده دخلت في 1550 جنيه وانت اتكلفت 1200 جنيه ...هل الجريفنور ده هو العلبه ؟؟؟