تسريب بنزين

**محمد العقابي** · 29-01-2015 04:07 PM

عندي مشكله من ساعة مفكيت طرمبة البنزين قبل كده كل لما افول البنزين يطلع من عند العوامه ويغرق تحت الكنبه ولما تابعت الموضوع لقيت البنزين بيطلع من تحت الوش الحديد بتاع العوامه يعني من الاخر من الجوان . غيرت الجوان ودقيت علي المشقبيات كويس وقفلتها حلو كما قرأت في مواضيع سابقه اتحلت المشكه بنسبة 50% يعني التسريب اتحكم شويه بس برده في بنزين بيطلع انا ناوي استخدم سليكون حقفل بيه من بعد الجوان حوالين الجوان يعني وحجيبه سليكون حراري . هل من اضرار للسيلكون ولا استخدمه عادي ... او هل فيه حلول اخري . مع العلم اني متأكد اني عملت شغل نضيف ومققفل باحكام علي قد ما قدرت يعني مش عيب صنعه ... مع العلم انه العيب دوة مكانشي موجود نهائيا لغاية ما فكيت الطرمبه وغيرتها قبل كده .

**midogad331** · 30-01-2015 01:12 AM

البنزين هيحل السليكون واحتمال يدوب معاه ويبهدل الدنيا منصحكش بالسليكون

**midogad331** · 30-01-2015 01:13 AM

غير الجوان وهات جديد

**عم جحا** · 30-01-2015 06:04 AM

فيه احتمال انه ربما عند فك طلمبة البنزين تم فكها بالقوة واستخدام آلات صلبة فادى ذلك الى حدوث تعريجات اوانحناءات او انثناءات عند حواف مكان تركيب الطلمبة مما يؤدى لتسرب البنزين ، فيجب تدقيق النظر فيها وملامستها باليد لفحصها جيدا ، ومن ثم يجب استعدال تلك الحواف ان كانت غير سليمة ، وفيه احتمال اخر ان تكون نوعية الجوان رديئة فيجب فحصها .