نيسان صنی

**moroz** · 31-01-2015 02:32 PM

السلام عليكم،

يا جماعة انا عايز اخد رايكم انا معايا فی حدود 115000 و عايز اشتری عربية ففكرت فی النيسان الصنی بس دخلت هنا لاقيت شكوی كتير منها فقلت خلاص اجيب ای حاجة مستعملة فی نفس الحدود بس مش لاقی كل الناس بتستهبل فی الاسعار فا رايكم اجيب صنی و خلاص و لا استنی و ادور علی حاجة مستعمل كويسة؟؟؟؟؟

**hi_nmr** · 31-01-2015 03:00 PM

بلاش الصني فيها عيوب صناعه في الفرامل وفي مشاكل كتير مع الوكيل وجهاز حمايه المستهلك مش قادر يجيب حقوق الناس والوكيل محدش قادر يقف قصاده
اخر معلومه عرفتها ان الفرامل غير مطابقه اصلا للمواصفات فبلاش تستسهل وتجيب حاجه معيوبه انت مش بتدفع ورق انت بتدفع فلوس شقيت وتعبت فيها

**moroz** · 31-01-2015 03:05 PM

اصل انا شوية اشوف ناس تشتكی و ناس تقول لا مفيش حاجة و بعدين انا شايف ان عيب الفرامل ده بسيط ليه التوكيل مغيرهاش كل ده؟؟؟ طيب مش عايز تبيع السيراتو الی معاك؟؟ :d اصلی بدور علی سيراتو برده بس مش لاقی كله مستعبط فی الاسعار

**hotmail** · 31-01-2015 03:19 PM

ابعد عن الصني واشتري عربيه يكون التوكيل بتاعها محترم عشان كده انصحك تشتري تويوتا كورولا 2007 او2006 وتكون عامله مسافه قليله او 2008 2009 جنوب افريقي اعلى فئه عربيات محترمه وممكن كمان تشتريها بأقل من المبلغ اللي معاك اهم شئ تكون العربيه عامله مسافه قليله انا عارف ان صعب تلاقيها لكن اكيد موجوده في السوق بس محتاجه مجهود شويه انا بقولك الكلام عن التويوتا والنيسان عن تجربه انا معايا صني 98 الغربيه محترمه لكن التوكيل سئ عكس توكيل التويوتا اللي مجربه ايضا

**mif** · 31-01-2015 03:29 PM

http://www.nilemotors.net/Nile/455442-a.html

بلاش صني

ممكن تركب سيفيك او كورولا مستعمل
او لانسر شارك 2015
او سوزوكي سياز 2015 بس مش متجربة و هندي و نفس توكيل صني الزبالة

**salam100100** · 01-02-2015 07:50 AM

اسأل ملاك الصنى الحقيقين على الحقيقه ومتكتفيش بالنت من فضلك

فى مشاكل فالفرامل؟ نعم , هل اتحلت ؟ ؟؟؟؟؟؟ اسال ملاك الصنى

**abdoumahros** · 01-02-2015 08:05 AM

جين2 او بيرسونا زيرو

**احمد فهمى** · 01-02-2015 10:23 AM

نصيحه اشتري السوزوكي الجديده زيرو هتزود 7 الاف على المبلغ اللى معاك بس هتشتري عربية العمر عيب الصني مش شركة نيسان لا التجميع المحلى واستهتار وكيلها بالعملا

**hi_nmr** · 01-02-2015 10:28 PM

المشاركة الأصلية كتبت بواسطة moroz

اصل انا شوية اشوف ناس تشتكی و ناس تقول لا مفيش حاجة و بعدين انا شايف ان عيب الفرامل ده بسيط ليه التوكيل مغيرهاش كل ده؟؟؟ طيب مش عايز تبيع السيراتو الی معاك؟؟ :d اصلی بدور علی سيراتو برده بس مش لاقی كله مستعبط فی الاسعار

اللي بيقولك مفيش حاجه ده حاجه من الاتنين يا يكون بينكر العيب عشان مينتشرش بين الناس والعربيه تضرب في السوق وثمنها يقل يا بيكلم علي العربيه اللي تحت رجله ولسه متلسعش من نار الوكيل زي باقي الناس
بالنسبه لتغيير الفرامل انا مقصدش تيل الفرامل انا اقصد منظومه الفرامل بالكامل مع الهوبات ضيف عليهم بقي استهبال الوكيل وتنصله من المسئوليه
ربنا يرزقك بعربيه حلوه

المشاركة الأصلية كتبت بواسطة moroz

طيب هما فين ملاك الصنی، مانا عامل موضوع فی قسم نيسان اعمل ايه تانی

ما كل اللي دخلوا قالولك اهو بلاش صني عشان الوكيل سئ

الموضوع: نيسان صنی

LinkBack

أدوات الموضوع

عرض

-

-

-

المواضيع المتشابهه

شهر مع نيسان صني 2015انا اشتريت نيسان من شهر ودلوقتي بسمع كل حاجة في العربية لما بدوس

حصريا لقسم نيسان .. تقرير بالصور عن حفل نيسان ايجيبت لتدشين نيسان صنى الجديدة كليا

نيسان تـيم تقدم ..فيديو إعلان نيسان جوك من تصـميمنا إهداء لنايل موتورز و نيسان إيجيبت

حصري من داخل توكيل نيسان بالصور تركيب فلتر تكييف نيسان صني

بـيان رقـــــــم (3) لصــقور نيسان .. بشان موضوعات قسم نيسان .. والاعضاء الجدد

الكلمات الدلالية لهذا الموضوع

المفضلات

المفضلات

ضوابط المشاركة