شحنت التكييف

**m7nsh** · 31-01-2015 03:37 PM

السلام عليكم يا شباب .. اخباركم ايه ؟ يارب يكون كله تمام

المشكله بدات ان الصيف اللى فات فى اخره كدا لقيت التكييف مبقاش يسقع و لقيت الفريون اتسرب ..كنت عامل قبلها تغيير جوانات للاكسبانشن و غيرت السويتشين بتوع الضغوط اللى ورا الردياتير و كبست خرطوم من الشجره العلويه .. و المفروض ان مكانش فى تسريب ساعتها ..
قلت نروح والدنيا فاضيه قبل زحمه الصيف من يومين كدا رحت ابص ع التكييف...هوب حطناها ع الكبس ساعه وشويه و مش بيتحرك عن 300 !امال الفريون راح فين ؟ " مع العلم انه اتسرب بعد الشحن الصيف اللى فات بحوالى 3 شهور " هو رأيه ان العربيه يا اما كانت سخنت فالكمبريسور سرب الفريون للحمايه " محتاج اعرف منكم الكلام ده صح ولا غلط " أو انها مكانتش مشحونه فريون 34 .. فانا مش فاكر ان العربيه كانت سخنت فعلا فى الوقت دا ولا لأ ...بس فاكر ان الفريون كان 34.. و بعدين فالاخر لقى الابره بتنفس بسيط جدا فغيرها و شحن و خد 150 بلبل و التكييف دلوقتى تمام الحمد لله

الاسئله :
1- هل فعلا لو العربيه سخنت الفريون بيتسرب لوحده كحمايه ؟
2- هل تنفيس الابره ممكن يكون السبب فى تسريب الفريون ؟ انا اعتقد ان لو الدوره فيها تسريب الفريون بالكتير شهر او شهر ونص .. هل ممكن يكون فى حاجه تانيه فايتانى ولا ايه ؟

و دمتم بود

**ayman hamdy** · 31-01-2015 04:14 PM

وعليكم السلام ورحمة الله وبركاته
1- كلام مش مظبوط خالص ومش منطقى
2- الابرة كانت بتنفس بسيط جدا ومع عدم استعمال التكييف فى الشتاء بيقل الضغط داخل الموسير وبالتالى نسبة التسريب بتقل جدا من البلف او الابرة ودة يبرر تسريب الفريون على فترة طويلة مش شهر وممكن يكون حد وانت بتعمل صيانة فى العربية داس على الابرة او خبطها فعوج مسار قفلها ففضلت تنفس بسيط لحد ما فضى الفريون اذن الابرة هى السبب فى تسريب الفريون
تحياتى