الموضوع: من اسكندرية للزمالك

السلام عليكم
انا اول مرة اطلع القاهرة سايق و كنت عايز اوصل للزمالك يا ريت لو حد يوصفلي بالترتيب كدة واصفة سهلة من أول البوابات كدة .. وهل الزمالك بعيدة كتير ولا مسافة وقت قد ايه كدة ؟ و ايه افضل و قت اطلع من اسكندرية لو معادي الساعة ٣ في الزمالك

معادك الساعه 3
تطلع مثلا 11 لو هتمشي على مهلك
12 لو هتجري
وهتوصل قبل معادك ان شاء الله في الحالتين
الزمالك قريبه من البوابات مش بعيده

بعد ماتعدي البوابات هتلاقي كارفور على شمالك
سيبه وكمل على طول
هتلاقي كوبري المحور
ماتطلعش او طلعه اللي هتوديك يمين
انزل من تحته واطلع الطلعه التانيه عشان تتجه شمال
خليك عالكوبري ده ماسك شمالك لحد اما توصل اخره هتلاقي نزله يمين ونزله تحت
وفي النص حاره كده تخليك تكمل على طول من فوق
خش فيها وماتطلعش من اي مخرج هتلاقي نادي الزمالك بقى على شمالك وهتطلع كوبري تاني
اول ماتعدي من فوق النيل هتلاقي نزله شمال لو عايز تنزل الجبلايه
نزله في النص لو رايح 26 يوليو
تكمله من فوق لو مش نازل الزمالك