الموضوع: حل مشكله عفونه سقف الشقه

السلام عليكم

من فرحتى لحل هذه المشكله المزعجه جدا قلت لازم انقل لكم التجربه لكى يستفيد من يقابله هذه المشكله..... واكيد اغلبنا عايشها....... وهى عفونه تظهر فى سقف اى حجره فى الشقه

الموضوع غالبا بيظهر فى الشتاء ولاحظتها بالاكثر عند تشغيل التكييف على الساخن والموضوع زاد بطريقه بشعه والسقف فى غرفه النوم حاسس ان فيه سواد كأنه سقف فرن مش شقه

وطلع الموضوع بسيط جدا جدا وغير مرهق ولا مكلف ........... كل حاجه موجوده فى البيت اكيد


هنجيب اى زجاجه بخاخه.. ونحط فيها شويه كلور--- ونخففه بالمياه--- وسلم او أى كرسى مرتفع الافضل سلم مجوز

ونرش الكلور ده على اماكن العفونه فى السقف والنتيجه مبهره جدا

فيه عفونه هتختفى بمجرد الرش عليها وفيه هتاخد وقت شويه دقائق مش كتير.......

تحذير == متخليش الرش ينزل على اى ملابس او اى حاجه فيها صباغه لان عندى تى شيرت ساااااااااافر لما الكلور نزل عليه

لو حد عنده نفس المشكله وجرب الطريقه دى مينساش يدعى لى دعوه حلوه

نقلت لكم التجربه لعلها تفيد

تقديرى للجميع