سيارتى جديدة ومش فاهمة الحاجان ديه ؟

**نيفين** · 04-02-2015 03:27 PM

سلام عليكم

من إسبوع إشتريت سيارة مستعملة ومش فاهمة العداد رقم واحد وظيفتة إيه ؟

والأرقام اللى أمام رقم 2 - 3 بالصوة تمثل إيه ؟ اللى هى بالكيلومتر .

**pepo2011** · 04-02-2015 03:46 PM

هي فين الصور؟؟
عموما في عداد كبير دا عدد الكيلومترات اللي مشيتهم العربية
وعداد صغير اول خانة فيه بتلف وانت ماشية دا عدد الكيلو مترات اللي بتمشيها
الصغير قابل للتصفير يعني لما تعوزي تحسبي مسافة معينة او تحسبي وقت تغيير الزيت كده يعني

**Ramy_2R** · 04-02-2015 03:46 PM

العداد رقم واحد ده ال rpm عدد لفات المحرك
1 بعني 1000
2 يعني 2000
كده
حاولت و انتي سايقه ميعلاش منك جامد فوق ال 5 مثلا و مينزلش منك جامد تحت 1.5
عن طريق التحكم في النقلات

العداد 2 ده عداد الرحلات
ممكن تصفريه

العداد 3 ده عدد الكيلومترات ال مشيتها من ساعة ما العربية أتصنعت

**نيفين** · 04-02-2015 04:03 PM

المشاركة الأصلية كتبت بواسطة ramy_2r

العداد رقم واحد ده ال rpm عدد لفات المحرك
1 بعني 1000
2 يعني 2000
كده
حاولت و انتي سايقه ميعلاش منك جامد فوق ال 5 مثلا و مينزلش منك جامد تحت 1.5
عن طريق التحكم في النقلات

العداد 2 ده عداد الرحلات
ممكن تصفريه

العداد 3 ده عدد الكيلومترات ال مشيتها من ساعة ما العربية أتصنعت

يعنى لو أنا على الجير الثانى ما أغير للجير الثالث إلا لما يعدى رقم 5 بالعداد ؟ صح ؟

رقم 2 (عداد الرحلات ) . مافائدة عداد الرحلات ؟ مش فاهمة .

فى صديقة قالت لى إن فى رقم عن طريقة بعرف متى أغير زيت الموتور ..اين هذا الرقم ؟

**abdoumahros** · 04-02-2015 04:16 PM

المشاركة الأصلية كتبت بواسطة نيفين

سلام عليكم

من إسبوع إشتريت سيارة مستعملة ومش فاهمة العداد رقم واحد وظيفتة إيه ؟

والأرقام اللى أمام رقم 2 - 3 بالصوة تمثل إيه ؟ اللى هى بالكيلومتر .

رقم 2 ده عداد الرحلات بمعني انك ممكن تخليه علي الصفر ويبدأ يعد من جديد وبكده تقدري تعرفي المسافه وطول الرحله اللي العربيه مشيتهم وفايده تحديد المسافه من بيتك للجامعه مثلا او انك تخليه صفر مع غيار الزيت وبالتالي تقدري تعرفي انتي ناق اد ايه وتغيري الزيت تاني

العداد 3 ده بيحسب المجموع الكلي للكيلومترات اللي العربيه عملتوا من يوم ماخرجت من المصنع ولايمكن انك تخليه علي الصفر ( طبعا في التوكيل يقدروا ) وده اسمه غش

العداد رقم 1 ده بتاع عدد لفات الموتو ر وده افضل قراءه له لما يكون علي 3 ( 3000 ) بمعني انك لما تكوني سايقه لو لقيتي الرقم بقا اكبر من 3 حركي الفتيس للغيار الاعلي من التالت للرابع مثلا
ولو قراءه العداد اقل من 3 انزلي للغيار الاقل وهكذا
نصيحتي خلي قيادتك دايما بين 2.5 و3.5
ده طبعا مايمنعش انك اثناء التجاوز لسياره اخري انك تعلي عن رقم 3 لحد ماتتجاوزي وترجعي تاني علشان تحافظي علي الموتور
عموما حاولي تحفظي صوت الموتور المقابل للارقام دي علشان تعتمدي علي صوت الموتور بدلا من كل شويه تبصي علي العداد

ومبروك العربيه

**نيفين** · 04-02-2015 04:29 PM

شكرا .أستفدت معلومات كتير . كيف اصفر عداد الرحلات ؟ السيارة ديه صاحبتها شريها من سنة وحسب العداد 3 يبقى هى كدة قطعت 60 ألف كيلو متر ...هل هذا الرقم كبير ؟

**نيفين** · 04-02-2015 05:15 PM

المشاركة الأصلية كتبت بواسطة نيفين

شكرا .أستفدت معلومات كتير . كيف اصفر عداد الرحلات ؟ السيارة ديه صاحبتها شريها من سنة وحسب العداد 3 يبقى هى كدة قطعت 60 ألف كيلو متر ...هل هذا الرقم كبير ؟

سؤال أخر :

لو أنا على الجير الرابع وفجأة قللت سرعتى بالفرامل من غير تغيير الجير ووصل عداد لفات الموتور لأقل من 2.5 لازم أنزل بالجير فورا ؟ ولو لم أنزل بالجير وإستمريت حتى توقفت السيارة ..هل لهذا تأثير على الموتور ؟

**vip74** · 04-02-2015 05:32 PM

المشاركة الأصلية كتبت بواسطة نيفين

شكرا .أستفدت معلومات كتير . كيف اصفر عداد الرحلات ؟ السيارة ديه صاحبتها شريها من سنة وحسب العداد 3 يبقى هى كدة قطعت 60 ألف كيلو متر ...هل هذا الرقم كبير ؟

لا الرقم مش كبير
المهم حالة العربية
وربنا يكفيكم شرها ويرزقكم خيرها

**abdoumahros** · 08-02-2015 08:14 AM

المشاركة الأصلية كتبت بواسطة نيفين

سؤال أخر :

لو أنا على الجير الرابع وفجأة قللت سرعتى بالفرامل من غير تغيير الجير ووصل عداد لفات الموتور لأقل من 2.5 لازم أنزل بالجير فورا ؟ ولو لم أنزل بالجير وإستمريت حتى توقفت السيارة ..هل لهذا تأثير على الموتور ؟

لازم سرعه العربيه تكون مناسبه للجير اللي ماشيه عليه العربيه بمعني اذا كنتي ماشيه علي سرعه 100 مثلا واستحدمتي الفرامل وسرعتك نزلت ل 90 بس ممكن تكملي عادي علي نفس الغيار لكن لو لو نزلتي بالسرعه لحد 40 مثلا وانتي كنتي علي الجير الخامس لازم تنزلي للجير التالت لانه هوا اللي مناسب للسرعه الجديده
ده معناه اثناء القياده والتسارع بالعربيه تطلعي من الجير الاول للتاني للتالت وهكذا لكن في النزول موش شرط الترتيب ده بيتوقف علي سرعه العربيه
اذا كنتي علي سرعه كبيره 100 مثلا واستخدمتي الفلرامل لحد سرعه قليله 50 او 60 مثلا لما تدوسي بنزين العربيه هاتكركر منك ولازم تنزلي بالجير وده ممكن يتعب الجير والموتور بس لو اتكرر كتير وباستمرار
اما بخصوص تصفير العداد بصراحه معرفش نوع عربيتك وممكن تدخلي علي القسم بتاعها يفيدوكي اكتر

وبالتوفيق

**pepo2011** · 08-02-2015 09:22 AM

يافندم المهم بس حضرتك ركزي مع عداد السرعة وrpm دلوقتي وبعدين مع الوقت هاتعرفي الارقام التانية بتعملي بيها ايه
واحدة واحدة

الموضوع: سيارتى جديدة ومش فاهمة الحاجان ديه ؟

LinkBack

أدوات الموضوع

عرض

-

-

شرح العدادات -

-

المواضيع المتشابهه

خبر مش فاهمة (بخصوص القطن)

صوت غريب مش فاهمة

بجد ناس فاهمة و محترمة الصراحة

انا مش فاهمة؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة