ضبط زوايا للـ 301 ----- مهم جدا

**bassem.aly** · 05-02-2015 10:14 AM

السلام عليكم
انا معايا 301 هاى لاين و عاملة 5000 كم نزلت فى حفرة فى طريق السويس قبل كوبرى 4.5 الحمد لله على كل شىء العجلة الشمال اتقطعت فى ساعتها المهم غيرتها و جبت فردة تانية بس من ساعتها العربية بتحدف سنة شمال و مش لاقى حد عارف يزبطها لانه لازم يكون عنده السوفت وير بتاع مقاستها على جهاز ضبط الزوايا.
رحت لاشرفكو و اكتر من واحد للاسف معندهمش السوفت بتاع مقاستها حتى توكيل صلاح سالم معندوش و مودرن سرفيس السندباد الجهاز بايظ ومعندهمش السوفت .
حد يقدر يساعدنى فى الموضوع ده.
جزاكم الله كل خير و شكرا.

**abohend** · 05-02-2015 04:21 PM

جرب بريدجستون
fit & fix
مش متأكد أن عندهم المقاسات
بس ممكن تكلمهم و تشوف ايه الأخبار

**faroojj** · 06-02-2015 07:45 AM

أنا سألت عمرو زوايا اللى فى الحى السادس مدينة نصر و قالى أن السوفت وير بتعها موجود عنده

**bassem.aly** · 08-02-2015 10:03 AM

المشاركة الأصلية كتبت بواسطة faroojj

أنا سألت عمرو زوايا اللى فى الحى السادس مدينة نصر و قالى أن السوفت وير بتعها موجود عنده

السلام عليكم
فيين عمرو زوايا اللى فى الحى السادس ممكن العنوان بالتفصيل و جزاك الله كل خير.

**faroojj** · 09-02-2015 08:39 AM

المشاركة الأصلية كتبت بواسطة bassem.aly

السلام عليكم
فيين عمرو زوايا اللى فى الحى السادس ممكن العنوان بالتفصيل و جزاك الله كل خير.

هو مشهور جداً فى الحى السادس فى الشارع الورش يوجود فى أوله مركز شباب مدينة نصر إذا روحت هناك وسألت عليه كل الناس عرفاه

**bassem.aly** · 09-02-2015 09:45 AM

المشاركة الأصلية كتبت بواسطة faroojj

هو مشهور جداً فى الحى السادس فى الشارع الورش يوجود فى أوله مركز شباب مدينة نصر إذا روحت هناك وسألت عليه كل الناس عرفاه

شكرا على اهتمامك-- بس بالصدفة اكتشفت مكان لضبط الزوايا NACITA AUTO CARE موجود فى بنزينة Tottal طريق الاسماعيلية الصحراوى بعد كوبرى موقف السلام و العاشر
وكان عندهم السوفت و مقاسات العربية و ضبطها الحمد لله بس بنسبة 90 % فى حتة لسة فيها و هو مشعارف من اييه و لا انا لان على الجهاز العربية مظبوطة عشرة على عشرة و لكن على الطريق فى السرعة البطيئة فقط فى سنة صغيرة جدا شمال -- المهم الحمد نوعا ما عرفت اظبطها و اللى فاضل لما اروح صيانة ال 10 الاف ربنا يسهلها.
شكرا لكل من ساهم.