تجربتي مع تعديل الفرامل الخلفية الي سكاكين (نوبيرا)

**asas630** · 12-02-2015 03:22 PM

السلام عليكم :

تم بحمد الله تعديل الفرامل الخلفية الي سكاكين لعربيتي نوبيرا 2 (2004)

وذلك بعد سماع صفرة عند الفرامل جاية من ورا وخشونة وعند الفحص عند الميكانكي لقيت اني محتاج تيل وطنابير وبلي

قلت بالمرة احولها مادام كدا ولا كدا حصرف بالاضافة اني كنت عايز اعمل التعديل من فترة بس كنت مستخسر لان الفرامل كانت شغالة

المهم اشتريت الاتي

1-جنبين نوبيرا اوربي كاملين (300ج)
2-تيل خلفي كوري (70ج) مع ان الجانبين كان فيهم تيل اصلي بس خوفت يكون نشف من الركنة
3-خرطومين زيت فرامل (70ج)
4-الواير بتاع الهاند جبته مصري(70)كان ممكن اشغل الكابل الي عندي بتقصير الواير 5سم عند بتاع الكبلات ب 25ج بس لاقيب الي عندي لاقتيه بيودع وفيه جنب مفتل
4-علبة زيت الماني (50ج) لاني غيرت زيت الفرامل

المهم ركبنا الحاجة وخدنا الهوا من الدايرة

الاداء

1-العربية فراملها اتحسن بشكل كبير جدا
2-العبربية فالفرامل المفاجة بطلت تتحدف علي ادام
3-اداء العربية اتحسن في المطر بعني العربية بطلت تتزحلق زي الاول
4-العربية بقت تلم نفسها بسرعة في السرعات وخصوصا وانا معايا ناس

**tefa22m** · 12-02-2015 05:52 PM

مبروك عليك يا باشا
جبت الجنبين من عند مين فى اسكندريه
و التركيب عند مين و مصتعيته كام
و تفتكر لو التيل اللى ركبته كان gm كان هيفرق

**asas630** · 12-02-2015 06:09 PM

الجنبين من عند عماد نوفل في ابو الضرضار

والميكانيكي اسمه مصطفي حميدو في الفراهدة والمصنعية كانت 100ج

بالنسة للتيل ال gm مفيش احسن منه بس وقتها ملقتش في المكان الي انا فيه وكسلت ادور