محتاج رايكم بعد عمرة الموتور فية مشكلة

**dedi** · 16-02-2015 01:13 AM

اخوتى فى المنتدى
محتاج رايكم انا عملت عمرة للموتور وغيرت سبايك وبساتم وشميزات وخرطت وغيرت كرنك والموضوع كلف لغاية دلوقت 4000 جنية
كدة بقالى يومين بعد العمرة - احد اصدقائى قام بفك غطاء تعبئة الزيت اليوم وانفعل بشدة من المنظر
اولا كمية بواقى زيت ووساخة وجلخ وقال لى كان مفروض الميكانيكى ينضف الكلام دة بشوية بنزين
ثانيا المفروض خروج رزاز زيت اول ام نفتح الغطا ودة لم يحدث ولا اى اثر لخروج زيت
ممكن اعرف رايكم مع العلم انى اتصلت بالميكانيكى وقال لى اولا صعب نضافة العلبة التى هى بتقفل على وش السلندر لانة يصعب نظافتها واكد لى انة شاف زيت بيرفع من قبل انا سوف اذهب لة ولكنة قال لى انة مسؤل لو اى حاجة حدثت بس للامانة صوت الوتور ناعم وسحبها ممتاز
ممكن حد يفيدنى

**bluemail** · 16-02-2015 06:37 AM

عليكم السلام
اولا مبروك علي عمرة الموتور وربنا يباركلك فيه
ثانيا طالما العرييه بقت كويسه في السحب وانعم والميكانيكي قالك اي حاجه تحصل لا قدر الله عليه هو يبقي الدنيا تمام
دلوقتي بس انت هتروح تغير زيت وفلتر علشان لو في رايش او حاجه موجوده في الماكينه
بتاع الزيت لما هينزل الزيت القديم قله نضف بالهواء "بينزل كل الزيت القديم اللي باقي في الماتور بكومبرسور الهواء"
وبعدين بيركب الفلتر الجديد ويقفل الطبه ويحطلك الزيت الجديد
وبس

**dedi** · 16-02-2015 08:52 AM

المشاركة الأصلية كتبت بواسطة bluemail

عليكم السلام
اولا مبروك علي عمرة الموتور وربنا يباركلك فيه
ثانيا طالما العرييه بقت كويسه في السحب وانعم والميكانيكي قالك اي حاجه تحصل لا قدر الله عليه هو يبقي الدنيا تمام
دلوقتي بس انت هتروح تغير زيت وفلتر علشان لو في رايش او حاجه موجوده في الماكينه
بتاع الزيت لما هينزل الزيت القديم قله نضف بالهواء "بينزل كل الزيت القديم اللي باقي في الماتور بكومبرسور الهواء"
وبعدين بيركب الفلتر الجديد ويقفل الطبه ويحطلك الزيت الجديد
وبس

شكرا لسرعو ردك الكريم اخى
هو بس الذى مضايقنى عدم رفع الزيت لاعلى وانا فهمت من كلام الميكانيكى انة سبب تلف الموتور هذا السبب فكيف يتكرر
انا سوف اذهب الية واشوف ربنا يسهل

**pepo2011** · 16-02-2015 08:59 AM

ياباشا رفع الزيت لاعلي مش مقياس لحاجة؟؟
طالما العربية بقت كويسة والمشكلة اللي بتشتكي منها خلاص يبقي تمام
غير زيت وفلتر بس

**dedi** · 16-02-2015 09:07 AM

المشاركة الأصلية كتبت بواسطة pepo2011

ياباشا رفع الزيت لاعلي مش مقياس لحاجة؟؟
طالما العربية بقت كويسة والمشكلة اللي بتشتكي منها خلاص يبقي تمام
غير زيت وفلتر بس

شكرا اخى لردك
معنى كلامك انة موش مهم الزيت اشوفة اعلى لانة امبارح 3 سواقين فهمونى لازم تشوف الزيت وشغلوا لى عربية لانسر ونوبيرا وكانت بترفع
انا علشان كدة خايف لاحسن الزيت مايوصلش لاعلى الموتور فيقفش تانى
بس للامانة صوت الماكينة هادى والسحب كويس واهى لسة بتلين يدوب 50 كيلو
ممكن اعرف متى نحكم على نجاح العمرة بعد كام كيلو
تحياتى وشكرا