جزاك الله خيرا علي التقرير وربنا يباركلك في العربية
ياريت لو العنوان بحيث اكتب اسم شارع عالموبايل علطول ﻻن اخوك قاهري جديد
وهل اسعار مصنعياتهم اغلي من التوكيل؟
رقم العضوية : 141022
تاريخ التسجيل : 17Apr2013
المشاركات : 167
النوع : ذكر
الاقامة : مصر
السيارة: Yaris
السيارة[2]: accent
الحالة :
السلام عليكم ورحمه الله وبركاته
ياريس 2008 أوتوماتيك .. وصلت الحمد لله لل 120 ألف كيلو .. أنا بفكر في الصيانه دي من زمان .. وأكيد مش هتكون زيها زي أي صيانه عاديه .. عشان كده قريت كتير علي كل حاجه في الياريس ومواعيد كل حاجه وحضرت نفسي وحجزت في تويوتا المتحده اللي في صقر قريش .. وروحت الجمعه اللي فاتت
1- غيرت زيت الموتور لزيت شيل ال 10 ألاف .. الموضوع ده كان قالقني جدا لان المواتير بعد ال 100 ألف المفروض يتحطلها نوع تاني .. بس انا اخدت المخاطره لحد ما أتأكد ان كده الصح .. بالنسبه لمركز الصيانه هو قالي ان ده ملوش علاقه .. المهم انا الأول جبت أبرو أمريكي ونضفت الموتور قبل ما أنزل الزيت القديم لمده 5 دقايق .. ونزلت الزيت وغيرت الفلتر.
2- عملت صيانه أوتوماتيك ... نزلت الزيت القديم .. وخليت الراجل يفك مصفحه الاوتوماتيك والفلتر بتاع ويت الاوتوماتيك وينضفوا بأسبراي الكربراتير الي استخدمته بعد كده في تنضيف البوابه .. انا اول مره اشوف مصفي وفلتر الاوتوماتيك .. وشوفت المغناطيس اللي في المصفحه عشان يلم اي شوائب معدن .. وفعلا كان المغناطيس مليان ... وبعد التنضيف من غير مياه خالص رجعوا بيلمعوا .. وحطيت الزيت الجديد .. ِAisin .. لان مكنش فيه زيت تويوتا الأصلي .. بس هو قالي ان ده زيه بالظبط .. الحقيقه ان ده قلقني برضه بس للاسف كنت خلاص نزلت الزيت وفكيت الاوتوماتيك.
3- نضفت البوابه .. وحساس الإيديا .. وغيرت فلتر الهوا (170 جنيه !!! ) .. ونضفت الأنجكشن .. ودورت وزودت بنزين شويه .. وبعدين فكيت البوجيهات وغيرتهم أتنين شمعه بيتغيروا كل20 ألف كيلو .. بوجيهات دنسو .
4- فكيت الأربع فرد كاوتش .. صنفرت التيل الخلفي .. وغيرت الامامي لانه كان متاكل .. الطنابير الامامي عاوزه تتخرط شويه .. بس انا قولت اغيرهم كمان 20 ألف ولا حاجه.
5- عملت الكاوتشات صليبه.
6- اقنعت الراجل أني انزل زيت الفرامل القديم من الأربع كاوتشات .. من الماستر يعني .. من غير ما أسحبهم من قربه الزيت عشان اتأكد ان القديم كله نزل .. انا عملت كده لان أكيد بعد 120 ألف كيلو مستحيل زيت الفرامل يكون محتفظ بخواصه ... المهم نزلت فعلا الزيت من كل طنبوره .. وكاركت وكله تمام .. وزودت الزيت الجديد ... تويوتا دوت 4.
7- نزلت مياه الفبريكه ... لان برضه بعد 120 ألف كيلو أكيد خواص المياه اتغيرت .. وحطيت مياه تويوتا الحمرا .. لتر ب 110 جنيه وبزودوا مياه مقطره .
8- نزلت تحت العربيه اتفرجت علي العفشه وخليته يربط كويس وكان عنده شويه ملاحظات نزلت بنفسي أتأكد منها .. زي مثلا أني محتاج أغير تيش الميزان الأمامي .. وده الواحد منه ب 550 جنيه .. وأني محتاج مساعدين خلفي لان الي موجودين بدأو يرشحوا زيت .. والمساعدين الأصلي ب 1300 جنيه تقريبا .. والتايواني ب 750 ... وشوفت آثار المطبات علي ماسوره الشكمان .. وربنا يستر بعد كده هخلي بالي لأن تانك البنزين بتاع الياريس فبر مش معدن !!.
9- كان في شويه مسامير مفكوكه والكرتيره مكنتش مربوطه كويس ... الحقيقه الراجل عملها لوحده .
10- فلتر البنزين !! ... لأ لسه شويه لاني غيرته علي 90 ألف كيلو .. وهغيره في صيانه ال 140 ألف ان شاء الله .
11- طلعت علي وطنيه .. غسلت الشاسيه بمياه وفوم .. ومردتش اخليه يشحملي العفشه لاني شايفها نصبايه ... وكل ما واحد يجي يقولي هعملك تشك علي المياه !! .. علي الزيوت !! .. اقوله طبعا اتفضل ... يفتح كده ويتفرج ويفتي شويه .. أقوم انا قايله علي فكره انا لسه عامل صيانه ومغير زيت وانت بتقول اي كلام !! .
12- غسلت الموتور كيماوي .. والحقيقه انبهرت. ما شاء الله.
13- رصصت الكاوتشات في فيت أند فكس ولسه فاضلي الزوايا .
ملاحظات :
الصيانه دي كلها فرقت جدا مع العربيه .. السحب فرق كتير .. بس أستهلاك البنزين لسه معرفش .. الأر بي أم عالي شويه وانا علي ال D .. وهروحلهم تاني اشوف ليه كده .. الصيانه كلها بالغسيل وكل الحاجات والبقشيش الي نفعني لما اديته للراجل قبل ما يمد ايده في العربيه ... 1800 جنيه.
المتحده اللي في صقر قريش بيفهموا وعندهم قطع غيار اصليه .. بس أنا حاسس انهم أغلي من أي حد تاني .
المره الجايه هتكون تيش الميزان الأمامي .. والمقص الأمامي والمساعدين الخلفي .. بس أسعار الحاجات دي كتيره أوي.
رقم العضوية : 45684
تاريخ التسجيل : 29Aug2009
المشاركات : 548
النوع : ذكر
الاقامة : Tanta
السيارة: corolla 2012,logan
السيارة[2]: toyota carina 1983
دراجة بخارية: no
الحالة :
جزاك الله خيرا علي التقرير وربنا يباركلك في العربية
ياريت لو العنوان بحيث اكتب اسم شارع عالموبايل علطول ﻻن اخوك قاهري جديد
وهل اسعار مصنعياتهم اغلي من التوكيل؟
رقم العضوية : 63659
تاريخ التسجيل : 28Feb2010
المشاركات : 6,854
النوع : ذكر
الاقامة : Egypt
السيارة: X-trail
السيارة[2]: Jeep Wrangler
دراجة بخارية: لا
الحالة :
شغل احسن من صيانة الوكيل وكلو ضروري جدآ
أحمد فهمى
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
مبروك الشغل
اسمع عنهم وملاحظتي انهم غالين شوية فرأي
رقم العضوية : 24755
تاريخ التسجيل : 10Nov2008
المشاركات : 603
النوع : ذكر
الاقامة : Mansoura ::: S.Sinai
السيارة: BMW 318i/E46 سابقاً
السيارة[2]: Toyota Crolla13
دراجة بخارية: لا
الحالة :
مبروك عليك الصيانه ..
وياريت الكل يعمل كده عشان الكل يستفاد
وياريت المكان إلى فيه المركز إلى انت روحتله ؟ فين فى صقر قريش ؟
وياترى ليه مروحتش التوكيل ؟
[img3]http://img72.imageshack.us/img72/4968/logo2g.png[/img3]
رقم العضوية : 141022
تاريخ التسجيل : 17Apr2013
المشاركات : 167
النوع : ذكر
الاقامة : مصر
السيارة: Yaris
السيارة[2]: accent
الحالة :
السلام عليكم
مركز المتحده فرع المعادى الجديدة
83 عمارات صقر قريش -
المعادى الجديدة - المعادى - القاهرة
التليفون: 0227546101
الفاكس: 0227058743
التوكيل معرفش أسعاره ومعتقدش انه هيسمحلي اشوف العربيه واقف علي ايد الراجل وانزل تحت العربيه معاه اتفرج هو بيفك ايه وبيركب ايه واشوف بعيني العربيه فعلا محتاجه ايه
رقم العضوية : 24755
تاريخ التسجيل : 10Nov2008
المشاركات : 603
النوع : ذكر
الاقامة : Mansoura ::: S.Sinai
السيارة: BMW 318i/E46 سابقاً
السيارة[2]: Toyota Crolla13
دراجة بخارية: لا
الحالة :
مشكور أخى على التليفون و العنوان
و إن شاء الله أتعامل معاهم قريب
ناوى أربط على العفشه و أغير فلتر بنزين
[img3]http://img72.imageshack.us/img72/4968/logo2g.png[/img3]
رقم العضوية : 174112
تاريخ التسجيل : 09Apr2015
المشاركات : 129
النوع : ذكر
الاقامة : المنيا/مغاغة
السيارة: لاند ريفر
السيارة[2]: بورش باناميرا2015
الحالة :
المهم لاحظت اى تغيرات مش كويسة على العربية؟
رقم العضوية : 141022
تاريخ التسجيل : 17Apr2013
المشاركات : 167
النوع : ذكر
الاقامة : مصر
السيارة: Yaris
السيارة[2]: accent
الحالة :
المفضلات