فيرنا أو لانوس أم أوبترا أم لوجان أم ستيب واي من 60 إلى 80 الف

**أيمن قديحة** · 16-02-2015 04:46 PM

خلاص تعبت من التفكير و اختلاف الآراء
أرجوووووووووووكم تفيديوني على أد ما تقدروا
معاي ابيزا سيستم بورش 92 و عايز أبيع و أجيب حاجة فوق 2012 تتراوح بين 60 ألف - 80 ألف بعيدا عن الصيني علما بأني أحب السيارات المرتفعة عن الأرض و أميل للهاتش باك

المقترحات المطروحة :-

1- فيرنا أو لانوس : و أوفر جزء من الفلوس و استفيد بتوافر قطع الغيار و رخصها و ايتفيد بجودة اعادة البيع .. لكن على حساب الشكل المنتشر في الشوارع و قلة الثبات و قلة الإمكانيات و انخفاض مستواها بالنسبة للأرض ( وطبعا انتو عارفين مطبات بلدنا)

2- أوبترا : و أستفيد بالقوة و زيادة الرفاهية و جودة الإمكانيات النسبية على حساب عدم توفير فلوس و كبر الحجم

3- لوجان : و أستفيد بالخصم الجمركي و الماركة الفرنسية و الثبات و جودة الإمكانيات النسبية مع توفير فلوس بردو على حساب ارتفاع أسعار قطع غيارها و غلاسة أماكن الزارير و الكلاكس و الحاجات دي

4- ستيب واي : و أستفيد بالشكل الجمالي المميز و الارتفاع العظيم عن الأرض و الماركة الفرنسية و الثبات و جودة الإمكانيات على حساب فرق الأوبشنز الفظيييييييع في موديل 2015 عن اللي قبله

5- اقتراحات أخرى من حضراتكم

يا ريت تساعدوني في موضوع الاختيار المتعب ده أفادكم الله

تم تعديل العنوان ليتناسب مع المحتوى
م ب 3

**scientist9508** · 16-02-2015 05:35 PM

ارى من وجهة نظرى. . . . لوجان

**أيمن قديحة** · 16-02-2015 06:13 PM

شكرا جزيلا على اهتمام حضرتك scientist9508

**sonaeg** · 17-02-2015 01:50 AM

اللوجان اوتوماتيك او استيب واي اوتوماتيك 2012-2013

رأيي المتواضع لوجان.. عن تجربة بضعة آﻻف من الكيلومترات.

بس هي الاوتوماتيك كسر زيرو الشكل القديم يعمل كام؟

**م أحمد** · 17-02-2015 10:14 AM

المشاركة الأصلية كتبت بواسطة أيمن قديحة

علما بأني أحب السيارات المرتفعة عن الأرض و أميل للهاتش باك

4- ستيب واي : و أستفيد بالشكل الجمالي المميز و الارتفاع العظيم عن الأرض و الماركة الفرنسية و الثبات و جودة الإمكانيات على حساب فرق الأوبشنز الفظيييييييع في موديل 2015 عن اللي قبله

أنت تسأل و تجيب

لو أوبشن فى الميكانيكا او نظام السيارة يبقى محتاجة تفكير

لو اوبشن بتتزود لا تتردد فيها

**أيمن قديحة** · 17-02-2015 11:16 AM

المشاركة الأصلية كتبت بواسطة sonaeg

اللوجان اوتوماتيك او استيب واي اوتوماتيك 2012-2013

رأيي المتواضع لوجان.. عن تجربة بضعة آﻻف من الكيلومترات.

بس هي الاوتوماتيك كسر زيرو الشكل القديم يعمل كام؟

شكرا على ردك الغالي

ستيب واي مافيهاش أتوماتيك .. هي فئة واحدة بس مانيوال .. أما السانديرو هي اللي في منها أتوماتيك

أتوماتيك كسر الزيرو في اللوجان تعمل في نفس الرينج ده بردو (70 - 80) .. بس للأسف أنا مش من هواة الأتوماتيك

**أيمن قديحة** · 17-02-2015 11:20 AM

المشاركة الأصلية كتبت بواسطة م أحمد

أنت تسأل و تجيب

لو أوبشن فى الميكانيكا او نظام السيارة يبقى محتاجة تفكير

لو اوبشن بتتزود لا تتردد فيها

بصراحة إنت جيت ع الجرح يا باشمهندس

هو الاختلاف في حججم الجنط .. القديم 15 و الجديد 16
شكل الجنط أجمل كتير من القديم
شاشة نافيجيتور - طارة مالتي - 4 زجاج كهرباء بدل 2 بس في القديم - أزرار الزجاج في الباب و ليس في التابلو في القديم - بلوتوث - 2 اير باج بدل واحدة في القديم .. ده اللي فاكره

معرفش حضرتك شايف الأوبشنز دي تستاهل و لا ايه رأيك ؟؟!!!! أنا شخصيا محتار جدا و بيتهيألي انها فروقات كبيرة

**pepo2011** · 17-02-2015 12:00 PM

اعتقد اللوجان اوتوماتيك هاتكون الانسب

**abokoko** · 17-02-2015 12:49 PM

دور علي اوروبي مش منتشر بيبقي السعر نازل وعربيات محترمه
زي الستروين والفوكس.

**م أحمد** · 17-02-2015 03:30 PM

المشاركة الأصلية كتبت بواسطة أيمن قديحة

طارة مالتي - 2 اير باج بدل واحدة

يبقى صفصفت على دول و الباقى يتزود عادى

و رأى أبوكوكو دخله فى اعتباراتك هتلاقى عربيات محترمة جدا جدا و سعرها نازل علشان ثقافة السوق و أفضل كعربية من اللى انت قلتهم و ابشنز ميكانيكية مش كماليات و هى الاهم طبعا اكتر و انت قلت بتحب المانوال هتلاقى عربيات بلا مشاكل كتير ان شاء الله

إبعد عن البى إم
إبعد عن البيجو
إبعد عن المرسيدس
إبعد عن الستروين
إبعد عن الفورد
إبعد عن السيات
إبعد عن الأودى (دا لو كان عارفها)
الفولكس
أوبل
.
.
.

طيب فاضل ايه يا عم يتركب !!!