الموضوع: فلتر الزيت الأصلى للياريس

كنت بجهز نفسى لتغيير الزيت والفلتر للياريس بتاعتى ......روحت محل قطع غيار تويوتا وطلبت فلتر زيت قاللى ب 25 جنيه قولتله الأصلى ؟ قالى لا الأصلى ب 45 جنيه.....فاشتريت الأصلى اللى ب 45 بس حسيت ان مفيش فرق فى العلبة خالص مابين الاتنين ومكتوب على الاتنين made in Thailand ....مش غريبة برضه ؟؟
وبالنسبة للزيت روحت لمحل بيبيع زيوت بس من كل الانواع...كنت هشترى موبيل 5000 فقالى انه بقى وحش و لزوجته ضعيفة وبينقص وجودته قلت كتير عن زمان ورشحلى زيت بترومين سوبر الترا 7 سوبر وهو سعودى مش مصرى.....الفرق فى السعر بينه وبين الموبيل 5 جنيه بس.....شكرلى فيه جدا وانه ممتاز وجودته أعلى من الموبيل وتحمله لدرجات الحرارة اعلى وادانى البروشور بتاع انواع الزيت ده.....ايه رايكوا فى النوع ده ؟؟؟

المشاركة الأصلية كتبت بواسطة sonaeg

حضرتك يعني العلبتين نفس بعض بالظبط وواحد اصلي والتاني تقليد مش استثماري يعني؟؟

والزيت حضرتك ياريت ترفعلنا صورة البروشور عشان نشوف الزيت اللي رشحهولك لزوجته كام ومواصفاته

وياتري حضرتك كنت ماشي علي زيت ايه ولمدة قد ايه وكام كيلو عشان نقدر نفيد حضرتك ينفع تجيب انهي زيت

وشكرا جزيﻻ

العلبتين شبه بعض بشكل كبير بس الفرق فى الكود تقريباً المكتوب على العلبة.......بس اللى بيبيع اكدلى ان ده الأصلى......وبالنسبة للزيت اللى كان بيتحط موبيل وكان بيبقى 4 لتر فى حالة تغيير الفلتر كالمعتاد عادة بغير زيت 5000 كيلو
زيت بترومين اللى اشتريته وتم ترشيحه هو بترومين سوبر ألترا 7 كود sl-cf 20w50 ووفقاً للبروشور هو زيت متعدد الدرجات يوفر مستوى عالى من الحماية فى مختلف درجات الحرارة وتحت ظروف التشغيل الشاقة. وسعره 130 جنيه جركن 4 لتر
هبقى اصورلكوا البروشور عشان تشوفوا باقى الانواع