سانج يونج موسو ربع نقل

**haitham_comput** · 21-02-2015 04:37 PM

السلام عليكم ورحمه الله وبركاته
يا جماعه معايا ربع نقل 2005 ديزل اوتوماتيك والموتور هو موتور مرسيدس، المشكله ان الموتور ما بيبطلش لما اقفل مفتاح الكونتاكت حد عنده فكره ايه المشكله وللعلم ان المكنه بتشتغل من غير كهربا خالص يعنى لو المكنه شغاله ومفيش دينمو ولا بطاريه هتفضل شغاله عادى ولا فدماغها :)

**م/أحمد عبد الفتاح** · 21-02-2015 09:04 PM

أول حاجه لو شيلت البطارية والمكنة شغالة حتفضل شغالة لأنها بتاخد كهربا من الدينامو والكهربا اللى بتاخدها علشان طلمبة الجاز اللى عند التانك لو موجودة وعلشان بلف السلونويد اللى بيبطل الموتور عن طريق قطع الجاز لما تطفى الكونتاكت ( فيه ناس بتقول عليه بيك السلانسية) - من اسباب عدم القدرة على تبطيل الموتور إن السلونويد ده ممكن يكون معلق على وضع الفتح ومابيقفلش وده بيبقى ناتج لوجود وساخة فى الجاز - ممكن يكون التانك عاوز يتنضف والسلونويد كمان عاوز نضافة او عاوز يتغير.

**MaZaGAngeE** · 22-02-2015 05:09 AM

شكلها ايه العربية دي… انا عارف الجيب بتاعتها لكن ربع نقل دي اول مرة اسمع عنها

**Mecha** · 22-02-2015 07:26 AM

اول حاجة غلط تشيل كابل البطاريه والمكنه دايره ,ممكن الشرز يحرق الدينامو .بعد كده الدواره فيه كابل للبطال ولا مفيش هتلاقي واصل بدراع للطرمبة غير دراع الاكسيراتير ودا ميكانيكي .او هتلاقي سلونيد بسلكة علي الطرمبه .شغلته الاشعال ON يجيله كهربا ويفتح جاز وتدور ولما الاشعال OFF يقطع جاز .ممكن معلق فاتح او مفتكس شال البلف والسوسته اللي جواه لازم تحله وتشوف

**Mecha** · 22-02-2015 08:13 AM

اتاكد بردك ان السلونيد مش واخد كهربا طول الوقت

**haitham_comput** · 22-02-2015 05:56 PM

لا المكنه دى بتفضل شغاله من غير كهربا خالص انا مشلتش بطاريه ولا حاجه ، كان مره الدينمو باظ قطع خالص وشلت البطاريه والموتور كان داير بردو وبكده اعتقد مفيش طرمبه كهربا من التنك ، بالنسبه للسلونيد مش عارف مكانه بالظبط لانه مفيش حاجه خالص عليها سلكه واحده فى اكتر من حاجه وفيهم اطراف كتير اقل حاجه 3 اطراف ، هو مكانه بيبقى فين بالظبط وشكرا.

**haitham_comput** · 23-02-2015 07:35 PM

المشكله طلعت فى خرطوم فاكيوم راكب على مشترك كان مسرب الحمد لله وصلتله وعملته وزى ما قولت المكنه بتشتغل من غير كهربا خالص

-

الموضوع: سانج يونج موسو ربع نقل

LinkBack

أدوات الموضوع

عرض

-

-

-

-

المواضيع المتشابهه

موسو سانج يونج

قطع غيار سانج يونج موسو

حد سمع عن عربية أسمها سانج يونج موسو

حيرة موسو سانج يونج

سانج يونج موسو

الكلمات الدلالية لهذا الموضوع

المفضلات

المفضلات

ضوابط المشاركة