بونتو كلاسيك - ارجو المساعده ضرورى

**fiat2015** · 21-02-2015 05:53 PM

معايا بونتو كلاسيك عامله 70000 و فجاه لمبة ال check engine نورت اثناء السير مع تقطيع فى الموتور . كشف الكمبيوتر بين error موبينه Coil . غيرت موبينه و بوجيهات و اسلاك بوجيهات و لسه العيب موجود . العربيه بتدور عادى و تمشى كويس بعد ما تسخن شويه (المؤشر طبيعى) بيظهر مشكلة التقطيع و اللمبه تنور. فى مركز الخدمه قالولى الكنترول محتاج يتغير. مركز تانى قالولى المشكله فى الموبينه بس الموبينه الجديدة مضروبه و صعب تلاقى موبينه ماركة ماريللى اصلى.

ارجو المساعدة المشكله فى الموبينه ولا الكونترول ؟ اجيب جديد ولا استيراد ؟

**Abo_Mazen** · 21-02-2015 07:09 PM

بالنسبه لموضوع الكنترول في حركه مشهوره قوي بتتعمل عند بتوع الإستعمال ..إنك تجيب الكنترول وإنت واقف وتوصله ..وتشوف لو المشكلة حصلت تقوم مرجع الكنترول للتاجر تاني وكأن شيئا لم يكن ..كل ده وحضرتك واقف عند بتاع الإستعمال ..أنا شفت ناس عامله مشاركات وكان عندها مشاكل ..ومن ضمن خطوات حل المشاكل إن هما جربوا الكنترول بالطريقه دي

**fiat2015** · 21-02-2015 09:11 PM

المشاركة الأصلية كتبت بواسطة m_m_sh_a

بالنسبه لموضوع الكنترول في حركه مشهوره قوي بتتعمل عند بتوع الإستعمال ..إنك تجيب الكنترول وإنت واقف وتوصله ..وتشوف لو المشكلة حصلت تقوم مرجع الكنترول للتاجر تاني وكأن شيئا لم يكن ..كل ده وحضرتك واقف عند بتاع الإستعمال ..أنا شفت ناس عامله مشاركات وكان عندها مشاكل ..ومن ضمن خطوات حل المشاكل إن هما جربوا الكنترول بالطريقه دي

شكرا على المساعده ....بس هوا عشان اوصل كونترول تانى مش لازم يتكود الاول ؟؟؟ و هل فيه حد بتاع استعمال فى اسكندريه ؟

**Abo_Mazen** · 22-02-2015 07:52 AM

المشاركة الأصلية كتبت بواسطة fiat2015

شكرا على المساعده ....بس هوا عشان اوصل كونترول تانى مش لازم يتكود الاول ؟؟؟ و هل فيه حد بتاع استعمال فى اسكندريه ؟

هي الناس اللي عملت التجربه بالطريقه دي..اللي هي تجربة الكنترول وهما واقفين عند تاجر الإستعمال..كانوا بيتكلموا عن عربيات لانوس وأوبل..ومتكلموش خالص عن حكاية التكويد ..مش عارف بقى البونتو لازم فيها موضوع التكويد ولا لأ.. عموما إنزل صلاح الدين وشوف النونو وشكوكو هما هيقولولك على حد بتاع استعمال ..ومتهيألي شكوكو شغال في الإستعمال..وممكن تسأل أحمد لانشيا في نادي الصيد..سمعت إنه إيده طايله في الفيات وبيجيب التايهه ..بس ما تخلهوش يمد إيده في العربيه غير لما يحددلك هو هيعمل إيه بالضبط..عشان سمعت إنه من النوع اللي بيفتح شغل من الهوا

**DavidHosny** · 22-02-2015 03:30 PM

استاذ fiat2015
انا معايا بونتو 2008 و طبعا كلام حضرتك صح مفيش حاجه اسمها كونترول استعمال
لو المشكله في الكونترول و لازم يتغير قدامك حل من الاتنين :
1. جديد و ده سعره 5400 جنيه بيجي مش متكود علي اي عربيه (زيرو) بيتركب بمسمارين و يتكود بعدها علي كل حاجه في العربيه بتاعتك مع ملاحظه انك لازم تعالج العيب اللي خلاه يبوز قبل تغيره علشان الجديد مايبوزش تاني
2. تجيبه استعمال و ده بيكون متكود علي العربيه القديمه و علشان كده لازم تجيب معاه حاجه اسمها طقم دواره و حاجات تانيه كده بحيث يكون متوافق مع عربيه حضرتك و ده بيعمل حوالي 3200 جنيه

بس قبل اي حاجه لازم تتاكد من العيب

و علشان حضرتك في اسكندريه في مكانين ملهمش تاني متخصصين بونتو
1- اليكس اوتو في سان ستيفانو
2- احمد لانشيا

و لو عاوز اي سوءال انا تحت امرك

**fiat2015** · 23-02-2015 11:16 PM

المشاركة الأصلية كتبت بواسطة davidhosny

استاذ fiat2015
انا معايا بونتو 2008 و طبعا كلام حضرتك صح مفيش حاجه اسمها كونترول استعمال
لو المشكله في الكونترول و لازم يتغير قدامك حل من الاتنين :
1. جديد و ده سعره 5400 جنيه بيجي مش متكود علي اي عربيه (زيرو) بيتركب بمسمارين و يتكود بعدها علي كل حاجه في العربيه بتاعتك مع ملاحظه انك لازم تعالج العيب اللي خلاه يبوز قبل تغيره علشان الجديد مايبوزش تاني
2. تجيبه استعمال و ده بيكون متكود علي العربيه القديمه و علشان كده لازم تجيب معاه حاجه اسمها طقم دواره و حاجات تانيه كده بحيث يكون متوافق مع عربيه حضرتك و ده بيعمل حوالي 3200 جنيه

بس قبل اي حاجه لازم تتاكد من العيب

و علشان حضرتك في اسكندريه في مكانين ملهمش تاني متخصصين بونتو
1- اليكس اوتو في سان ستيفانو
2- احمد لانشيا

و لو عاوز اي سوءال انا تحت امرك

شكرا يا باشا على ردك

لو العيب طلع كونترول فعلا ... تفتكر ايه اللى خلى الكونترول يضرب ؟؟؟ انا كنت بروح الصيانه فى اليكس اوتو و اكتشفت انهم كانو بيركبو بوجيهات ngk بتاعت الجراند بونتو (كود يبدا بحرف z) بدلا من بوجيهات الكلاسيك (كود يبدا ب dcpr) ... انا شاكك فى قصة البوجيهات ديه.