فين المواضيع الروعـة دى يا أستاذ zarif

**ًWilliam Karim** · 21-02-2015 08:32 PM

الموضوع دة واحد من ضمن 9 مواضيع انا شغال عليها

1 - (لاول مرة) طريقة اصلاح طرمبة الباور لدايو لانوس ........بالتفاصيل والصور

2 - طريقة اصلاح قلب طرمبة البنزين لدايو لانوس ............بالفيديو

3 - طريقة عمل اضاءة لحوض السيارة ( الموتور ) ........بالتفاصيل والفيديو او الصور

4 - طريقة فك فرش سقف السيارة وغسلة واعادة تركيبة بنفسك........بالتفاصيل والصور

5 - طريقة اصلاح ذراع النور فى دايو لانوس ليرتد فى كلا الاتجاهين .........بالتفاصيل والصور

6 - طريقة تحويل كراسى الانوس من كراسى ثابتة الى كراسى على مساعدين او سوست ..بين الفكرة والتنفيذ

7 - طريقة تبسيط وشرح علبة الفيوز الداخلية والخارجية لدايو لانوس.....بالتفاصيل والصور

8- - طريقة جذرية لعلاج مشاكل نقص مياة الريداتير والقربة .......بالتفاصيل والصور

10 - طريقة بسيطة لاطال عمر البطارية فى السيارة .......بالشرح والفيديو
ــ ـــــــــ ـــــــــ ـ

فى الموضوع اللى فات حطيت المواضيع دى تقريبا وقولت انى مش عارف اية اللى الناس محتاجاة الاول عشان انزلة فغالبية الاراء كانت على موضوع تحسين كفاءة التكييف فنزلتة

بردو هلتزم بنفس الكلام هنا وهقول للناس اية فى المواضيع التسعة دى انزلها الاول او تكون الناس محتاجاة ........والموضوع اللى هيبقى علية اجماع هوة اللى هينزل الاول

**ًWilliam Karim** · 21-02-2015 08:35 PM

أنا نفسى فى موضوعين :

1 - طريقة جذرية لعلاج مشاكل نقص مياة الريداتير والقربة .......بالتفاصيل والصور

2 - (لاول مرة) طريقة اصلاح طرمبة الباور لدايو لانوس ........بالتفاصيل والصور

**مصطفى-حسن** · 21-02-2015 09:45 PM

الموضوع رقم 1 تم تنفيذة فى الشهور اللى فاتت بس عشان كنت فى ايقاف بسبب موضوع يطول شرحة فكبرت دماغى من تصويرة فيديو اثناء الاصلاح لكن تم لاصلاح بالفعل والطرمبة شغالة فى عربيتى

الموضوع رقم 3 تم تنفيذة بالفعل فى سيارتى بالصور بس انا عايز متطوع يكون قريب من العاشر من رمضان عشان انفذة لية مجانا بس عشان اصورة فيديو HD عشان يبقى سهل التنفيذ للناس ودى برنت اسكرين من على الهارد بتاعى لصور الموضوع

الموضوع رقم 2 تم تنفيذة بالفعل وغيرت موتور قلب طرمبة البنزين بس بردو اكمنى كنت فى ايقاف لفترة طويلة فكبرت من تصوير لكن لو حد عندة بشائر تلف الطرمبة انا ممكن انفذة عادى واصورة فيديو مطلوب منة بس يجيب الموتور معاة بتاع قلب الطرمبة

الموضوع رقم 6 شغال علية دلوقتى بس انا فى معاناة عشان عامل الامان يكون متواجد فى الكرسى مع عوامل الرفاهية والنعومة

وباقى المواضيع شغال لسة مخلصتهاش لكن الاطار العام للفكرة وكل تفاصيلها جاهز فى الجمجمة وعلى التنفيذ فقط

**هيثم الشرقاوى** · 22-02-2015 02:42 PM

يا باشا انا متطوع ومجند كمان واجيلك العاشر
ودة شرف لاى حد يا مصطفى باشا

**مصطفى-حسن** · 22-02-2015 04:33 PM

المشاركة الأصلية كتبت بواسطة هيثم الشرقاوى

يا باشا انا متطوع ومجند كمان واجيلك العاشر
ودة شرف لاى حد يا مصطفى باشا

ربنا يكرمك ويعزك على العموم لو ناوى هتجيب معاك كارتين لدات زى اللى فى الصورة

وهتجيب معاك 3 متر سلك 1 ملى ومتر ونص سلك 1 ملى برضو بس اللون مختلف وبس خلاص ولو ناوى كلمنى على الخاص ابعتلك رقمى او ابعتلى رقمك بس خلى بالك الشغلانة دى لازم تتعمل بالنهار عشان التصوير

كل ما فيها انى مش هينفع افك اللى انا عملتة وارجع اركبة تانى وفى نفس الوقت اكسب ثواب تركيبها لاى حد
ودى صورة الحوض بالليل فى الضلمة وهو مش منور

ودى صورة الحوض وهو منور بس خلى فى الواقع بيبقى اشد بكتير

**مصطفى-حسن** · 23-02-2015 12:35 AM

المشاركة الأصلية كتبت بواسطة atpo56a

تسلم ايديك يا عم مصطفي وربنا يؤجرك كل خيييير علي ما تفعله معنا في المنتدي والجروبات بخصوص الموضوعات الجميله النادره التي تدل علي دماغ ألمظات
ربنا يبارك لك في اولادك

ربنا يبارك لك فى صحتك ومالك واولادك ويجازيك كل الخير يا عم احمد

**مصطفى-حسن** · 23-02-2015 08:11 PM

المشاركة الأصلية كتبت بواسطة ali ismail

السلام عليكم ورحمة الله وبركاته .. استاذ مصطفى .. انا من اشد المعجبين بيك جدا فانا دائم على قراءة مواضيعك ومشاهدة فيديوهاتك وبدون مجاملة اقولها لله انت انسان مبدع ومثال للنشاط والمثابرة والاصرار فى العمل .. وللعلم حضرتك انا لسة مشترك حلا وهذة اول مشاركة لى لكى اقول لك اننى كلما قرات موضوع او اشاهد فيديو ادعو لك بظهر الغيب ان يجعله الله فى ميزان حسناتك .. وفقك الله الى مايحبه ويرضاه

ربنا يبارك لك وشرف ليا انك تدخل تسجل واول مشاركة تكون ليا
وربنا يجعلها فى ميزان حسناتى يوم لا ينفع مال ولا بنون كعلم ينتفع بة
واسأل الله ان يتقبل دعائك وان يكون لك بمثل ما دعوت

الموضوع: فين المواضيع الروعـة دى يا أستاذ zarif

LinkBack

أدوات الموضوع

عرض

-

-

-

-

المواضيع المتشابهه

أستاذ أحمد أمين

أستاذ askafrawy

أستاذ توت

أستاذ بايو....

أستاذ وائل كاماتشو ...... ألف شكر

الكلمات الدلالية لهذا الموضوع

المفضلات

المفضلات

ضوابط المشاركة