رقم العضوية : 172230
تاريخ التسجيل : 22Feb2015
المشاركات : 9
النوع : ذكر
الاقامة : قنا
السيارة: دايو لانوس
السيارة[2]: فئات ١٢٥
الحالة :
صباح الخير علي اجدع ناس موجودة هنا ،
بداية انا المنتدي ده استفدت منه كتير جدا في ألعربيه و خاصة أني خبرتي قليلة جدا ، و في نفس الوقت بتوفروا وقت جامد أن الميكانيكي يدور عالعيب الموجود عندي ،،،،
انا كان عندي مشكلة في العفشه بتاعتي و هي تزييق كتير في المطبات و مكنتش فاهمها و لما اروح لعفشجي يقول اغسلها و لو الصوت راح يبقي وساخة بس ، عملت كده عند اربع او خمس عفشجية في قنا و مع احترامي للصنايعية في قنا مفيش حد كتير بيفهم ، المهم كنت في زيارة لاسيوط و روحت لعفشجي برنس اه والله برنس ، طلع العيب من جلدة مش عارف اسمها اية المهم غيرها و طبعا علشان عرفني غريب و عاوز قرش محترم مني غير كام حاجه تاني معاها مش محتاجين يتغيروا بس انا اعتبرتها نظافه و قولت عادي و كان من ضمنها اويل سيل الدريكسيون ، الدريكسيون كان تقيل فشخ و مش بيرد لوحدة و قالي اسبوع و هيتظبط ، روحت ظبط زوايا و تمام و بعدها بفتره روحت لميكانيكي علشان كان في دقدقه او رجه في الدريكسيون لما بضرب فرامل بعد ١٣٠ او ١٤٠ ، قالي عاوزة تتمس و عملتها و غيرت تيل طبعا - كل اللي فات ده تمام
انا عندي مشكلتين مش فاهمهم دلوقتي و ارجوكم ساعدوني لان الصنايعية هنا اسهل حاجه عندهم غير و ركب و انا مليش خبرة مش بعرف احكم اذا كان فيها عيب و لا لا ؟؟؟؟؟
المشكله الأولي الدركسيون مش بيرد لما باخد ملف ، و الأويل سيل بيسرب في الدواسه بس مفيش نقص في الزيت الا يعني حاجه لا تذكر ، الفرامل لما بكبس جامد مش بتقف بتهدي و بس حتي لو علي سرعه واطيه اخرها بتهدي و بس متكلبش يعني
ألعربيه دايو لانوس ٢٠٠٦ ، برجاء الإفادة الله يستركم دنيا و اخرة
رقم العضوية : 4352
تاريخ التسجيل : 17Jan2008
المشاركات : 2,603
النوع : ذكر
الاقامة : العاشر من رمضان
السيارة: حاليا لانوس 2002
السيارة[2]: كانت فيات 132
دراجة بخارية: لا يوجد
الحالة :
بالنسبة للمشكلة الاولى بتاعة الدركسيون اللى مش بيرد .........هل بتسمع صوت احتكاك فى قطمة الدركسيون وانت بتلف يمين وشمال ؟؟؟؟؟
بالنسبة للمشكلة التانية قبل اى مصاريف انت محتاج تاخد هوا من دورة الفرامل الاول ولو منفعش يبقى هترجلش الفردتين اللى ورا ولو منفعش يبقى هندخل على المصاريف وهتغير التيل الامامى وبردة هتاخد هوا
zarif سابقا
[rmade]http://i1342.photobucket.com/albums/o774/sasamh_1976/%202%20Copy_zpswwu0sio0.jpg~original[/rmade]
zarif سابقا
المفضلات