مشكلة الثبات في النيسان

**mhamad ghany** · 23-02-2015 06:22 AM

ايه مشكلة الثبات اللي باسمعها كتير في النيسان برجاء الافادة قبل ماشتري والسرعة كام اللي بتبان فيها المشكلة

**salam100100** · 23-02-2015 08:02 AM

مشكله الثبات ؟
لو حضرتك من النوع اللى بيحب يجرى وغرز وسرعات عاليه فلا انصح بيها

انا مش بجرى بالعربيه , سواقتى هاديه بالتزم بسرعه الطريق
لما بجيب بيها 120 بخاف اخد غرز ديقه بيها
لكن لما بكون محمل , يعنى معايا ناس ورا , بقدر اخد الغرز مستريح او تفادى مطب مسلا

انا من ملاك العربيه ديه منصحش بيها للبيحب يجرى
دى عربيه عائليه اكتر من شبابيه

**aymankfafy** · 23-02-2015 08:10 PM

هل قصد حضرتك الشكل القديم ولا الجديد ...........لو قصد ك الشكل القديم يبقى دى اول مرة اسمع عن المشكلة دى وهيا اصلا ثابتة جدا اما لو الشكل الجديد اللة اعلم

**mhamad ghany** · 24-02-2015 06:26 AM

الكلام مقتبس
(بص يا باشا انا اللي كانت معايا كانت صني 2007 خليجي مش مصري , كانت جاية من برا : شاسيه رينو سكالا بس العربية نيسان مكنة وعفشة
النيسان بصفة عامة ثباتها مش كويس ع الطريق
بعد ال 120 تحس العربية خفيفة اوي والفرامل بتاعتها مش ولا بد
ده في الخليجي ما بالك المصري؟
مع العلم اني عملت بيها حادثة بسبب اني كنت ماشي على 170 وعديت جنب تريلا بتفرغ هوا , التريلا لما نفخت الهوا في العربية العربية عومت ولقيتها ماشية بجنبها
بصراحة بلاش تحط فلوسك فيها
ده رايي الشخصي وحضرتك ليك كامل الحرية في الاختيار)
انا اقتنعت بالكلام ده بجد واضح ان العربية على السرعات العالية مش ثابتة وده انا طبعا كنت ملاحظه غي الاكسنت اللي معايا لما كنت بشد
لكن الواقع اني مش بتاع سرعات عالية ومشاويري المحددة لايوجد فيها مايمكن ان يسمح لك بذلك باستثناء جزء صغير بتاع عشرة كيلو هو اللي مفتوح ومافيش مطبات ده اللي خلاني اجيب ال120 بالاكسنت وباقي الطرق اللي بمشي عليها حتى اللي فيها سفر كلها مطبات ماتسمحش اصلا بالجري وانا مش بحب اجري ومش ناوي اعدي ال 100 في احسن الظروف ايه رايكم بعد الكلام ده والعفشة بتاع العربية تهمني عشان مدينتي كلها مطبات من النوع التقيل قوي

**salam100100** · 24-02-2015 08:30 AM

المشاركة الأصلية كتبت بواسطة aymankfafy

هل قصد حضرتك الشكل القديم ولا الجديد ...........لو قصد ك الشكل القديم يبقى دى اول مرة اسمع عن المشكلة دى وهيا اصلا ثابتة جدا اما لو الشكل الجديد الله اعلم

انا بتكلم عن النيسان الشكل الجديد

**Moh. Elnagar** · 25-02-2015 01:15 AM

أنا معايا الشكل الجديد 2014 ودائما ع الصحراوي بسافر بيها 170 - 180 ووصلت ل 185 والعربية زي الفل وكنت لوحدي ومش محمل حاجة العيب عيب سواق والفرامل أنقذت حياتي أكتر من مرة
في مشاكل فردية كتير في موديل 2013

**eng.m7md.ali** · 25-02-2015 02:04 AM

المشاركة الأصلية كتبت بواسطة moh. Elnagar

أنا معايا الشكل الجديد 2014 ودائما ع الصحراوي بسافر بيها 170 - 180 ووصلت ل 185 والعربية زي الفل وكنت لوحدي ومش محمل حاجة العيب عيب سواق والفرامل أنقذت حياتي أكتر من مرة
في مشاكل فردية كتير في موديل 2013

يعني نيسان كل يوم بتتحال للنيابة لحد يومنا ده ومشاكل الصني الجديدة معروفة علي مستوي الجمهورية وناس كتير جداً مقدمة بلاغات للنيابة وشكاوي في حماية المستهلك وبردو دي مشاكل فردية؟؟

الفيرنا بتقفل العداد وبتبقي زي الفل مش معني كدة انها ثابتة وفعلا كل عربيات نيسان خفيفة

**mhamad ghany** · 25-02-2015 04:14 PM

سمعت من واحد معاه بيان 2013 بلاوي
الفرامل وكل مايغير تيل مافيش فايدة والجديد بوابة البنزين بتنور و هي مليانة
والصيانة مافيش فايدة
وده قابلته بالصدفة
يعني في مشاكل مش لازم كل العربيات لكن منتشرة ممكن تقع في سكة اي حد

**Moh. Elnagar** · 26-02-2015 08:50 AM

المشاركة الأصلية كتبت بواسطة eng f3lix

يعني نيسان كل يوم بتتحال للنيابة لحد يومنا ده ومشاكل الصني الجديدة معروفة علي مستوي الجمهورية وناس كتير جداً مقدمة بلاغات للنيابة وشكاوي في حماية المستهلك وبردو دي مشاكل فردية؟؟

الفيرنا بتقفل العداد وبتبقي زي الفل مش معني كدة انها ثابتة وفعلا كل عربيات نيسان خفيفة

أنا مقولتلكش إني بقفل العداد وبس قولتلك إنها ثابتة
ثانيا قارن عدد البلاغات بعدد العربيات هتلاقيها مش كتير بس عليها تركيز لمصالح ناس معينة
ما عندك ال 301 فيها بلاغات بعدم عمل الفرامل أدت لوقوع حوادث خطيرة جدا بس معليهاش تركيز النيو صني
العربية معايا من سنة ونص وفي 5 أصحابي معاهم العربية من سنتين ومفيهاش أي حاجة نهااااااااااااااااااائيا
ياريت إللي عنده مشكلة يتكلم فيها وخلاص منقولش كل العربيات ونسوء سمعتها حرام عليكم دي فلوس ناس يعني إللي عربيته مظبوطة ومفيهاش حاجة هيعرف يبيعها دلوقتي لو إتزنق في فلوس ولا هيشحتها ..................................
..........................
تنبيه:
رجاء مراعاة اداب الحوار وعدم شخصنة النقاش راجع قوانين المنتدي....
6ب مشرف القسم
12:55م
26/2/2015

**eng.m7md.ali** · 26-02-2015 12:07 PM

المشاركة الأصلية كتبت بواسطة Moh. Elnagar

أنا مقولتلكش إني بقفل العداد وبس قولتلك إنها ثابتة
ثانيا قارن عدد البلاغات بعدد العربيات هتلاقيها مش كتير بس عليها تركيز لمصالح ناس معينة
ما عندك ال 301 فيها بلاغات بعدم عمل الفرامل أدت لوقوع حوادث خطيرة جدا بس معليهاش تركيز النيو صني
العربية معايا من سنة ونص وفي 5 أصحابي معاهم العربية من سنتين ومفيهاش أي حاجة نهااااااااااااااااااائيا
ياريت إللي عنده مشكلة يتكلم فيها وخلاص منقولش كل العربيات ونسوء سمعتها حرام عليكم دي فلوس ناس يعني إللي عربيته مظبوطة ومفيهاش حاجة هيعرف يبيعها دلوقتي لو إتزنق في فلوس ولا هيشحتها .................................................
............................

اللي بتتريق عليها دي شكلك ياباشا متعرفهاش .. علي الاقل مفيهاش مشاكل الثبات ولا الفرامل ولا الصاج الورق ولا الايرباج بيفتح من بلاعة بعد ثواني من الخبطة وشكلها مش زي قرع العسل

اتمني الناس تفهم يعني ايه ثبات اصلاً وجري