تغيير إطارات إلنترا 2013 لبريدجستون تورانزا جي آر 90

**dadapharma** · 24-02-2015 01:24 AM

السلام عليكم
قررت أنقل التجربة لتعم الفائدة
بإختصار غيرت الكاوتش الأصلي الهانكوك لإلنترا MD بعد مرور سنتين من عمر السيارة و علي 40 ألف كيلو..
تم تركيب إطارات بريدجستون تورانزا جي آر ٩٠ نفس المقاس الأصلي 195/65 R15 علي الجنوط الأصلية الحديد..
سعر الكاوتش للفردة 665 جنيه بعد خصم 7% للنقابات + 80 جنيه ترصيص و بلوف و نيتروجين للأربع فرد Fit&Fix ..
النتيجة و التقييم:
1- التخلص من الصوت المزعج للكوتش الأصلي كليا.
2- زيادة الراحة للركاب مع الطرق الخشنة و فواصل الكباري بنسبة مرضية جدا.
3- زيادة بسيطة في كفائة الفرامل مع الأخذ في الإعتبار أن هذا النوع من الكاوتش غير معمر مع القيادة الخشنة و الفرامل القوية أو المفاجئة.
4- لم يلاحظ وجود تحسن مع المطبات الأكبر التي تعتمد في الأساس علي نظام التعليق.

بشكل عام التجربة جيدة جدا و الكاوتش يستحق الثمن.. وشكرا..

**egyptiandiver** · 24-02-2015 01:52 AM

ألف مبروك و شكراً لمشاركة التجربة :))

**baherhassan30** · 24-02-2015 06:41 AM

الف مبرووووووووووووووك

**mohamed_rhem** · 24-02-2015 09:24 AM

شكرا لنقل التجربة

**devil_storm** · 24-02-2015 09:54 PM

شكرا علي المشاركه و نقل التجربه

**S O P H O S** · 11-03-2015 02:10 PM

مبروك يا باشا

**devil_storm** · 11-03-2015 08:13 PM

باشا هل في تحسن مع النقر و الحفر اللي بتخلي العربيه ترزع، و لو ماشي في طريق مكسر هل في فرق ولا ده انظمه تعليق و ملهاش دعوه بالكوتش؟
اصل العربيه عندي بترزع و الصالون بيتقطق و عايز اعرف لو غيرت الكوتش حيفرق

**dadapharma** · 15-03-2015 01:29 AM

المشاركة الأصلية كتبت بواسطة devil_storm

باشا هل في تحسن مع النقر و الحفر اللي بتخلي العربيه ترزع، و لو ماشي في طريق مكسر هل في فرق ولا ده انظمه تعليق و ملهاش دعوه بالكوتش؟
اصل العربيه عندي بترزع و الصالون بيتقطق و عايز اعرف لو غيرت الكوتش حيفرق

التحسن الواضح في صوت الكاوتش و الي يشبه الونه و بيزيد مع السرعات العاليه أو مع الأسفلت الخشن تحديدا... كذلك الراحة أفضل مع فواصل الكباري و الطرق غير الممهده.. صوت و احساس الرجرجه الي بيتنقل للعربيه بيقل نسبيا.. لكن مع المطبات و خاصة الحفر مفيش فرق يذكر.. بس بصفة عامة الفرق جيد.. ضغط الكاوتش عامل مهم جدا مع أي نوع كاوتش و خد بالك ان كتير من بتوع الكاوتش العدادت بتاعتهم مش مظبوطة.. و بيبان بعدها الخبط و الرزع زي ما يكون الكاوتش حجر.. للاسف العربيات بصفة عامة بعد فترة من الاستعمال الصوت بيزيد داخل الصالون نتيجة خلخلة و ترييح المسامير الي بتثبت الابواب و الكراسي و التابلوه و خلافه.. مش عارف هل ممكن تربيط المسامير دي زي العفشة!!