مساعدة فى نوع لمبات كشاف الفيرنا ..

**MEMODINA1** · 24-02-2015 01:41 AM

السلام عليكم ورحمة الله وبركاتة
معايا فيرنا 2007 نور الفوانيس بتاعها ضعيف ودى لمض الفبريكا 55\60 تقريبا
المهم نزلت دورت وعرفت انى فى لمض اسمها نارفا تكنولوجيا المانى صناعة بولندى .. ونزلت ادور عليها وملقتهاش خالص وبعد معاناة لقيت واحد بيبيعها الاتنين ب 80 جنية قدرتهم 260\200 جبتهم ورحت للكهربائى قالى دول مضروبين ولما عرفت كدا مرضتش اركبهم ...
فلو حد عندة فكرة عن الاصلى ولامضروب فى الشكل او العلبة او اى حاجة يقولى بالله عليكم قبل ما ارجعها وحوارات وكدا ... وهل اللمض الكورى كويسة ...
بس بسرعة ارجوكم لانى هشتغل فيهم بكرة لاما اغيرهم واجيب الكورى او اركبهم هما ..
وهل فية خطورة على الوش بتاع الفانوس من السخونة ... ممكن يسيح مثلا
دا شكل العلب وشكل اللمبة ولاحظوا الكتابة اللى على اللمبة مكتوب صناعة بولندى وعلى العلبة مكتوب تكنولوجيا المانية .. وشكرا لكم

**MEMODINA1** · 24-02-2015 01:45 AM

الصور اهه للى مش ظاهرة عندة

**MEMODINA1** · 24-02-2015 01:49 AM

**eslam atia** · 24-02-2015 10:12 AM

اولا دول علشان تركبهم حتحتاج كتاوت ونوع نضيف ويفضل التويوتا وعن تجربة
منين الكهربائي قالك مضروبين ؟ جربهم قبل كدا ؟ بس انا شايف انهم غاليين ، الاثتنين اخرهم 50 جنية

**MEMODINA1** · 24-02-2015 01:24 PM

المشاركة الأصلية كتبت بواسطة eslam atia

اولا دول علشان تركبهم حتحتاج كتاوت ونوع نضيف ويفضل التويوتا وعن تجربة
منين الكهربائي قالك مضروبين ؟ جربهم قبل كدا ؟ بس انا شايف انهم غاليين ، الاثتنين اخرهم 50 جنية

حضرتك هو بيقولى انهم مغشوشين يعنى فى الاصلى منة وانا جايب التقليد وانا هستعوض ربنا وهركبهم الوقتى وطبعا هركب كتاوت نضيفة وسلك طخين وكل حاجة ...
عموما انا نازل اركبهم الوقتى واشوف وشكرا لحضرتك

**MEMODINA1** · 24-02-2015 03:03 PM

طلع فعلا مغشوشين واى كلام وهرجعهم واجيب كورى وربنا يسهل فى الترجيع عشان مش هسيب حقى ان شاء الله

**MEMODINA1** · 24-02-2015 06:59 PM

انا رجعتهم وجبت الاصلى من واحد تانى وفعلا فرق شاسع بين التقليد والاصلى وكمان عرفت الفرق بينهم لمجرد النظر فقط .. انا عند الكهؤبائى هركب وانقل التجربة قبل التركيب وبعد التركيب

**MOTOR HEAD** · 24-02-2015 07:55 PM

منبن الاصلى وبكام

**MEMODINA1** · 24-02-2015 11:11 PM

المشاركة الأصلية كتبت بواسطة motor head

منبن الاصلى وبكام

فى السويس مدينة السويس اقصد عند سور الترعة واحد اسمة النادى وعندو حوالى 8 لمبات فقط غير اللى اخدتهم ورحت اشترى 2 تانى قلت اعينهم مرضاش ابدا وقالى لاة
السعر 45 جنية للمبة 260/200

**MEMODINA1** · 24-02-2015 11:45 PM

اللى حصل كالاتى ..
قررت اغير لمض الكشافات الفبريكة 55/60 تقريبا
المهم نزلت دورت على احسن نوع لمبة كلة اجمع على narva تكنولوجية المانية صناعة بولندى
نزلت دورت مفيش اختفت كلة يقولى مدوش حضرتك ..
وفجاة لقيت واحد بيبعهم بكام يا عم قالى 40 جنية دووول المانى ومش عارف اية وحوارات ومش موجودة ..
طب يا عم هات اتنين وكنت شاكك ..
رحت للكهربائى قالى دول مغشوشين تعالى اوريك كرتونة الاصلى ولمبة منهم كمان الاصلى بس الوات بتاعهم صغير مش هو اللى انا عايزة .
وفعلا فى كذا حاجة مش موجودة زى مثلا مكتوب بالانجليزى تحت خالص هذة اللمبات ممنوعة فى اوروبا وكمان اللمبة نفسها لاحظوا الكتابة اللى على الطبق فى الصورة اللى فوق تلاقيها مش مظبوطة تحس انها مش كتابة كمبيوتر .
لكن التانية كتابتها واضحة ومنسقة وتقيلة وكانها مكتوبة زى الكمبيوتر بالضبط
قلتة طب جربهم يمكن يطلعوا نورهم عالى .. فكينا لمبة الفبريكة واخدنا لمبة من المغشوشة حطناهم طبعا لقيت الفبريكة رغم انها ضعيفة ووات اقل منها ولكن نورها قوى جدا عنها ملحوظ فعلا ..
رغم المغشوشة كانت 260/200
.......
المهم رحت للراجل قلتة رجعلى دول .. يقولى لية حضرتك قولت فى نفسى لو قلتلة انت غشاش وحوار هيعمل حوار معايا وانا مش عايز وجع دماغ رحت قلتلة اصلى قالى هنركب كتاوت والكهربا هتطلع من الضمان وانا معرفش موضوع الكتاوت دا ومعلش وبتاع .. المهم قالى ماشى بعد عذاب وادانى الفلوس وبعدها ركبت العربية ووقفت عندة وقلتلة على فكرة اللمض كمان طلعت مش اصلية ورحت ماشى ...
قعدت ادور واحد يقولى عندى كورى اصلى ومش عارف فيليبس ومش عارف اية قلت خلاص فكك منها وريح نفسك وروحت البيت وانا فى الطريق افتكرت محل عندنا اخدت منة حاجات للعربية وطلعت كويسة قلت اخر واحد هسال عندة ؟
عندك لمبات نارفا قالى اة قلتلة 260/200 قالى اه قلتة 3 ريشة قالى اة .. قلتلة طووويب ورينى وكنت عارف بقى الاصلى من اللى مش اصلى .. رحت فاتح وبصيت على الكرتونة هى هى الاصلى رحت للمبة هى هى الاصلى قلتلة طب تمام اوى رحت اخدتهم الواحدة 45 جنية ..
رجعلى نشاطى والصداع راح وقلت يالا على الكهربائى ...
فك كل حاجة ركب سلك لحم الاسلاك هات فيش وهات كلبسات ولمع الفانوس ركب كتاوت وضبط وركب اللمض وجرب يا معلم ... على فكرة الحوار كلة عند الكهربائى بالضبط نص ساعة ...
رحت اجرب قلتلة لاة نرجلش الاول ظبطنا الفوانيس النور تحت على الارض مش فى السما وظبط عالى وواطى وطلعت اشوفهم ...
بسم الله ما شاء الله ولا حول ولا قوة الا بالله .. مكنتش متوقع انها تظهر الاضاءة دى الحمد لله طلعت على طريق السفر اجرب ولقيت الاضاءة كويسة وراضى بيها الحمد لله ودى شوية صور كدا تعرفكم الفرق
اولا لمبة الفبريكا فى حتة ضلمة على فكرة دا العالى والواطى صورتة ضاعت منى معلش
العواميد اللى فى الصورة بعيدة عنى الحتة دى ضلمة جدا اللى انا واقف فيها عشان ميتخيلكش انى مصور تحت نور العواميد

لمبات نارفا عالى وواطى
اولا الواطى

العالى للمبة

لاحظوا الجامع مكنش باين فى الواطى وباين فى العالى بعد الجامع دا تقريبا 130 متر
ودا فيديو للى عايز يشوفها فيديو
[youtube]https://www.youtube.com/watch?v=UfbeWbSMpwM&feature=youtu.be[/youtube]

اتمنى انى افيد حد فى التجربة دى واى سؤال انا موجود
شكرا لكم ...