الموضوع: عايزه حد بتاع فايبر

المشاركة الأصلية كتبت بواسطة moha4tec

السلام عليكم .
حضرتك عوزه تعملى ايه فى العربيه بالظبط عشان هتفرق فى التخصص
هتلحمى اكصدام فبريكا بتاع عربيه يبقى تروحى لحد بتاع بلاستيك .
لو هتصلحى بدى كيت فيبر جلاس يبقى بتاع فيبر
و فى ناس عندهم الاتنين .و الله اعلم
فى صقر قريش شارع فيه اتنين . قريب جدا من مكتبة سوزان مبارك جنب النادى الاوليمبى .
حضرتك مينفعش تروحى حته فيها صنيعيه لوحدك .خدى اى حد محرم معاكى .اخوكى او ابوكى او اى حد من العائله.
بالنسبه للقطع فى الاكصدام او قطع فى ودان الاكصدام لازم حد بتاع لحام بلاستيك بيلحم بنفس ماده الاكصدام .
بس نصيحتى لو القطع كبير و متبهدل هاتى اكصدام جديد استيراد بلون العربيه حالته كويسه افضل بكتير بدل ما تلحمى و ترشى و بعد كده يقشر و موال ملوش لازمه .لكن لو ودن مقطوعه و كده تتلحم عادى جدا .
و الله اعلم .

شكرا جدا لأهتمامك وردك ... الحمدلله هو مفيش أى مشكله من دى الحمدلله هى كل القصه أن عربيتى بيكانتو الشكل الجديد
فا الفوجات الخلفيه وقعت جوه الأكصدام نتيجة خبطه خفيفه وهما سولام وشغالين بس واقعين جوه الأكصدام والأكصدام مقفول ولما سألت التوكيل قالولى القواعد بتاعتهم فالأكصدام أتكسرت ولازم تغيرى الأكصدام كله مع أنه سليم يعنى أدفعلى بتاع 2000
ج والفرع التانى من التوكيل بيقولى يتثبتوا وبردو مش واثقه أنى أروح لحد أبو رواش وفالأخر يقولولى تغيرى الأكصدام كامل
المهم أن كذا حد قالى اى حد بتاع فايبر يحل الأكصدام خالص ويلحمهم ويركبه تانى
فامش عارفه بقا الاقي فين حد يعملهوملى ولا أعمل ايه .. :(

مركز عبد الجليل للكصدامات- 6 شارع احمد سعيد - العباسية ---- ورشة محترمة و شغلهم فوق الممتاز - لكن تاكدى من اسم المركز علشان فى كذا حد فى المنطقة

المشاركة الأصلية كتبت بواسطة moha4tec

دى حاجه بسيطه خالص
ممكن يتثبتوا بابزين او مسامير شك .بس منصحش بيه طبعا
و ممكن بسهوله جدا عند بتاع البلاستيك و الفيبر انا عملت كذا عربيه لقريبى فى صقر قريش فى العرب
المهم تكونى فاهمه انتى هتعملى ايه بالظبط عشان محدش يشتغلك و يكبر الموضوع و يستهلكك ماديا
حضرتك ممكن تبعتى العربيه مع اخوكى او اى حد من عائلتك و تتعمل بسهوله باذن الله .

للأسف أن معنديش حد أقدر أعتمد عليه غير نفسى ومضطره أتصرف وأروح أنا لوحدى وأعتمادى على ربنا وأن شاء الله خير