عايز اعرف ازاى اروح من المعادى لجاردينيا بتاعت القوات المسلحه اسمع انها فى طريق السويس او قبل كده يا ريت حد يفيدنى جزاكم الله خير
عرض للطباعة
عايز اعرف ازاى اروح من المعادى لجاردينيا بتاعت القوات المسلحه اسمع انها فى طريق السويس او قبل كده يا ريت حد يفيدنى جزاكم الله خير
الموضوع حيكون اكثر سهولة لو حضرتك ذكرت انت جاي من المعادي ناحية الكورنيش و اللا اقرب للاوتوستراد
عموما ..
جاردينيا تقع في اول ظريق السويس بالقرب من الهيئة العربية للاتصنيع ( جيب ) .. و مصنع قادر ..
* من الاوتوستراد ..
تاخد الاوتوستراد من عندك و تجيبه كله لغاية ما تعدي رابعة .. بعدها اول عباس .. بعدها مكرم عبيد .. ثم احمد فخري .. فالنادي الاهلي .. لغاية ما توصل لحد اخر الطريق .. حتلاقي كوبري ..متطلعوش .. و تخش من تحته .. و بعدين تدخل يمين .. بقيت في مصر السويس .. 5 دقائق بالضبط بالعربية .. ( علي نفس الصف الي انت فيه ) حتلاقي نفسك امام جاردينيا
الف شكر يا باشا الوصفه سهله بتاعتك بس حاسس انها طويله شويه مفيش طريق تانى من الدائرى بدل من اخش مدينه نصر وامشى وسط الزحمه؟
اطلع الدائري من المعادي .. و امشي فيه طوالي .. كارفور علي يمينك .. خايك طوالي .. و بعدين اكاديمية مبارك علي يمينك .. و بعدين توكيل هوندا علي يمينك .. و بعدين فندق جي دبليو ماريوت ... تيجي عنده .. و تقوم واخد النزلة اليمين و متكملش طوالي ..
كده انت نزلت مصر السويس اللي رايح السويس .. حتاخد اول يوترن و تقوم راجع في الاتجاه التاني
3 دقائق بالضبط .. و حتلاقي جاردينيا .. بس علي الشمال المرة دي :)
الف شكر يا باشا
ممكن حد يقول لنا ايه جاردينيا دي
:)
جاردينيا دى دار تبع القوات المسلحه وفيها فندق وقاعه افراح والدخول للعسكرين والمدنيين برسم دخول