مشكله ملص البيض

**ahmdmagdy** · 26-02-2015 01:24 AM

السلام عليكم
الاسبوع ده و انا ماشي شوفت عربيتن لادا البيض ملص من العجله حبيت اسال صاحب التاكس لو كان نسي يشحم البيض او انه مغيرش البيض من مده لدرجه انه ملص من و هو ماشي عشان تعمل كده قالي انه بيشحمه باستمرار و بيكشف عليه دايما و برضه بتملص بس لا حظت في العربيتين اللي ملص البيض منهم انهم مركبين جنوط عريضه ف ممكن ان الجنوط تكون هي السبب و لا ليه سبب تاني عشان انا من ساعه ما شفت منظر العربيتين خايف انها تحصل معايا

**Mecha** · 26-02-2015 09:51 AM

مهو زي ماقلت فرد عريضه ومفيش تشيحم ولما تبوش بيفعصوها ,لكن بيض جديد وعفشة تمام وفرد تمام ,ماكو توملص

**فتح الباب** · 26-02-2015 10:13 AM

ابشع تصليح نقوم به كمصريين هو كبس البيض كما يقولو الصنايعيه ٠ اساسا ما فيش حاجه اسمهاكده فى تارريخ الصيانات فقط فى مصرلذلك من اخطر الاشياء كبس البيض

**ahmscu** · 26-02-2015 10:53 PM

ياحضرات انا كان ليا بوست قبل كده فى موضوع ملص البيض وقلت ان للاسف فيه انواع كتير فى السوق صينى مضروبه وتباع على انها روسى وبلغارى وتركى،وفيه انواع تركى ضعيفه وسيئه جدا،
وقلت برضه ان الجماعه الروس صمموا نوع جديد من بيض المقصات لا يملص اطلاقا وبيقعد لغاية 50 الف كيلو جربته والحمد لله كويس جدا ومدى ثبات محترم للعربيه بس عيبه غالى شويه وناشف حبتين وبيحتاج كل شهر تشحيم ب5 جنيه فى اى مشحمه.
البيض ده اسمه بلماج روسى اصلى فى علبه وردى عند حمدى لادا والطقم بحوالى 250،واللى يقولك هات بيض استيراد يبقى انسان من الاخر مابيفهمش،البيض زى السيور والزيوت ليها عمر افتراضى والادا عموما العفشه كلها متعلقه على البيض والمقص مش على المقص بس زى العربيات الجديده

**ahmdmagdy** · 27-02-2015 02:36 AM

يبقي اكيد العربيتين اللي انا شوفتهم مركبين بيض مضروب لانهم اكدوا انهم بيشحموا البيض كل فتره

**Zing0** · 27-02-2015 05:03 PM

أنا كنت عند محمد طلبه اللى فى الوراق, و كان عنده زبون بيقول البيض عنده من غير مشاحم و قعد 3 سنين و طلب تغييرة لأنه قلقان بس, رغم إن البشمهندس محمد كشف و قاله سليم و الدركسيون خفيف و مفيش أصوات بس الراجل قال وقايه, و البيض فعلاً طلع سليم و أدهوله أستبن.
و بأكلمة على موضوع البيض اللى مش بيملص, راح جايبلى بيضتين علوى و سفلى و فكهم من جوه - شال الكاوتشة اللى تحتها الشحم - و فرجنى عليهم و قالى طلع الفرق؟ ...
السفلى ليها شفه البيضة بايته جواها لإنها هيا اللى دايماً بتملص و عليها التحميل كله, العلوى لأ
قالى ده البيض الأصلى و بحكم شغلى بأجيبه و أركبه على ضمانتى و بأبقى عارف إيه الأصلى و أيه المضروب.
طيب يا عم محمد نعرف إزاى... قالى للأسف السوق كل شويه بيغير أنواع البيض اللى موجوده و الأسماء و الماركات, يعنى مفيش ماركه معينه أنصحك بيها لأنها بمجرد مبتأخد سمعه فى السوق ... بتتضرب أو تختفى.

نصيحة للجميع و ليا قبلكم لأنى للأسف بأطنش كتييييييير و ربنا يسترنا:
عفشة اللادا مش عاوزه طناش, على قدر الإمكان, أول متحس بصوت أو عدم توازن أو .... تشوف إيه المطلوب.

أعاننا الله و حفظنا جميعاً من كل سوء