الموضوع: الترصيص والزوايا - أفيو

السلام عليكم
أنا جبت شيفرللية افيو من شهرين ومن ساعة ما جبتها والعربية بتحدف سنة بسيطة وبتغربل بعد ال-100 جامد > سألت اصدقائي قالولي عادي اعمل ذابت زوايا وترصيص في فيت اند فكس ،رحت فعلاً الأسبوع إلي فات وعملت كدا والنتيجة
إن الغربلة لسة موجودة بس قلت جداً الصراحة المشكلة الكبيرة في الزوايا الفني هناك قالي إن المقص مرحل ولازم أروح التوكيل وفعلاً العربية لسة بتحدف >
فسؤالي لحضراتكم هل طبيعي إن العربية تبقى طالعة من المصنع فيها مشكلة في الترصيص والزوايا وهل اني رحت لفيت اند فكس مش التوكيل ده مشكلة وهل موضوع المقص ده سهل ولا هيبقى موال مع التوكيل أرجو الإفادة و ما هي الخطوات السليمة لعلاج المشلكلة ويا ريت لو حد مجرب أو عنده مشكلة شبيهة واتحلت شكراً جزيلاً
العربية زيرو وموديل السنة 2015 وعاملة 2500 كم

ما تخافيش حد يلعب في العربية علشان ما تخرجش من الضمان