طقة فى دركسيون النترا 2010 ارجوا الافادة

**nadoor333** · 04-03-2015 02:43 AM

عايز اخد رايكم يا رجالة
معايا النترا 2010 و من فترة كدة ظهر طقة فى الدركسيون بتبان اوى فى المطبات و المدقات
كذا حد قالى ان العيب دة بيظهر فى الالنترا و سيبة ها تتعود علية
روحت لواحد بتاع عفشة قالى ان دة مش من قطمة الدركسيون دة من الصليبة بالعمود بتاعها عايز يتغير و نزل تحت الدواسة و قالى انها ملحومة غالبا اللى اشتريتها منة كان لاحمها قبل كدة و الله اعلم
هو قالى انى لو غيرت الصليبة بالعمود بتاعها الطقة دى ها تروح قالى كمان انها اثرت على مسمارين الميزان و لازم يتغيروا
انا عايش فى شرم الشيخ و صعب هنا تلاقى صنايعى نضيف و بيفهم و يكون عندة ضمير
انا سالت على الصليبة هنا استيراد لقيتها ب 350 جنية
مش عارف السعر دة غالى و لا اية و ياترى كلام العفشجى دة صح و لا
اسف على الاطالة و ياريت اللى يقدر يفيدنى

**aymanshebl** · 04-03-2015 06:50 AM

متابع

**amr_naser** · 04-03-2015 07:10 AM

يا اخى طقة من العفشة ولا الدركسيون وهل بتحس بأثر ليها جوة العربية ولا بتسمع صوت بس ؟
عموما فى الغالب لازم تصلح العفشة الاول يعنى تغير مسامير التوازن ولو فية كاوتشات او جلب عاوزة تتغير غيرها
اذا الحل دا مجبش نتيجة ولسة فية نفس العيب يبقى غير الصليبة
انا كان عندى عيب زى دا وقلت للعفشجى قالى كلها تمام وتحت تصميمى ان فيه عيب نزل تحت العربية وقالى هز العربية شمال ويمين يعنى تزقها من عند الباب انا وواحد وقعدنا نزق والعربية قعدت ترقص شمال ويمين جامد وبعدين قالى فية صوت عن مسامير التوازن وبالفعل غيرتها هى وكوتشتين كدة بعدها العربية بقت تمام
ملحوظة سيارتى مش النترا بس كله شكل بعضة

**nadoor333** · 04-03-2015 08:00 AM

المشاركة الأصلية كتبت بواسطة amr_naser

يا اخى طقة من العفشة ولا الدركسيون وهل بتحس بأثر ليها جوة العربية ولا بتسمع صوت بس ؟
عموما فى الغالب لازم تصلح العفشة الاول يعنى تغير مسامير التوازن ولو فية كاوتشات او جلب عاوزة تتغير غيرها
اذا الحل دا مجبش نتيجة ولسة فية نفس العيب يبقى غير الصليبة
انا كان عندى عيب زى دا وقلت للعفشجى قالى كلها تمام وتحت تصميمى ان فيه عيب نزل تحت العربية وقالى هز العربية شمال ويمين يعنى تزقها من عند الباب انا وواحد وقعدنا نزق والعربية قعدت ترقص شمال ويمين جامد وبعدين قالى فية صوت عن مسامير التوازن وبالفعل غيرتها هى وكوتشتين كدة بعدها العربية بقت تمام
ملحوظة سيارتى مش النترا بس كله شكل بعضة

شكرا على الرد ياباشا انا الطقة اللى عدى فى الدركسيون و اعتقد اغلب اللى معاهم النترا عارفين موضوع الطقة دة

**mody112** · 04-03-2015 10:43 AM

فعلا هى الطقة دى مشهورة فى الالنترا وكان فى مشاركة هنا بتتكلم على الموضوع ده وفى واحد صلحها تقريبا فى حدايق القبة ب 200 ج ب الكلام ده من فترة دور وهتلاقى المشاركة فى قسم الالنترا