فتيس كورولا ٢٠١٥

**OsamaFayez** · 05-03-2015 01:47 PM

انا لسه مستلم عربيتي كورولا ٢٠١٥ ولسه عامل صيانة الالف كيلو، بس عندي استفسار بخصوص الفتيس لاني جديد في استخدام الاتوماتيك: لما بركن العربيه وانقل من الوضع d للوضع p العربيه بتتحرك حركه خفيفه لورا وقدام وده طبيعي، بس بسمع صوت تكة خفيفه في الفتيس وعصا الفتيس بتتحرك سنه بسيطة وهي في نفس الوضع p كانها ماكنتش في المكان الصحيح. الموضوع ده ساعات يحصل وساعات لا، مش مستمر طول الوقت. هل ده عادي؟ واية تفسيره؟ شكرا جدا الاعضاء الافاضل.

**elkorany** · 05-03-2015 02:54 PM

متابع

**muhmado_furp** · 05-03-2015 03:08 PM

هو انا مش معايا تويوتا لكن هرد علي حضرتك من خلال ما كان معايا البومة وكانت cvt
انا شايف ان كلام حضرتك مفهوش مشكلة لسببين
الاول ان حركة التروس والتعشيق ممكن تعمل التكه الي حضرتك بتقول عليها لان ممكن الترس يجي مع بعضه لكن السنه دي بتاعة التعشيق
ثانيا: العربية لسه جديدة والفتيس مازال في مرحلة التطبيع مع بعضه واعتقد انه مع الوقت مش هيكون في الكلام ده
بس حضرتك حاول دائما تضغط فرامل مع حركة الفتيس وخاصة لو حضرتك علي مكان مايل علشان نقلل الضغط في الاتجاه العكسي علي حركة التروس

**OsamaFayez** · 05-03-2015 04:06 PM

شكرا استاذ محمد علي رد حضرتك، انا بالفعل بكون ضاغط علي الفرامل والتكه دي مش بتحصل باستمرار، ساعات وساعات، بس حركه عصا الفتيس وصوت التكه بتحصل بالضبط مع حركه العربيه قدام وورا بعد تعديل الفتيس للوضع p
اتمني يكون كلام حضرتك صيحيح ومايكنش فيه مشكله في الفتيس.

**samyyousef** · 05-03-2015 05:11 PM

اعتقد ان ان شاء الله مفيش حاجة.......و مبروك العربية

**AHMEDJUDDY** · 06-03-2015 09:11 AM

يا باشا
علشان تنقل من الd او r الي الp لازم تكون العربيه واقفه تماما
لان الp ده معناه باركينج ... لازم تكون العربيه ثابته تماما قبل ما تنقل عليه
علشان علبه الفتيس متبوظش منك ... والف مبروك

**jojojojo** · 06-03-2015 06:02 PM

عشان الارض مبتبقاش مستوية وديه في معظم العربيات الاتوماتيك

**Dr_Smart** · 06-03-2015 06:58 PM

الافضل انك ترفع الهاند بريك قبل ماتجيب الفتيس على الp

**OsamaFayez** · 08-03-2015 08:56 AM

شكرا جدا لكم جميعا، وهو شكلها كده بسبب ان الارض مش بتكون مستويه، لاني بكون ضاغط علي الفرامل وانقل من d او r ل p واول ماشيل رجلي التكه دي بتحصل مع حركه بسيطه جدا للعربيه ورا وقدام، وكل ده مش بيحصل لو انا علي ارض مستويه. وواضح فعلا اني لازم اشد الهاند بريك قبل ما ارفع رجلي من علي الفرامل.