الموضوع: بيجو 301 صيانة 10000كم

اشكر ربنا انه غيره اول مره علي حساب التوكيل

انا هحجز صيانة ال 10000 بكرة ان شاء الله وغالبا هتعرض لنفس موضوع التيل والطنابير
سؤالي .. التكلفة كام وغيرت ايه بالكامل .. وهل الطبيعي اني انتظر 4 ساعات !!!!!

التكلفة تقريبا 950 بالنسبة للتيل لازم متكونش قفلت 10000 كم عشان يغيروه في الضمان وبالتالي يغير الطنابير لو اتأثرت
انا رحت يوم سبت وزحمة عشان كده قعدني 4 ساعات وكمان تغييرالتيل والطنابير بياخد وقت مع البريك اللي بياخدوه الاساتذه في التوكيل هتاخد 4 ساعات

المشاركة الأصلية كتبت بواسطة mr.robot

انا هحجز صيانة ال 10000 بكرة ان شاء الله وغالبا هتعرض لنفس موضوع التيل والطنابير
سؤالي .. التكلفة كام وغيرت ايه بالكامل .. وهل الطبيعي اني انتظر 4 ساعات !!!!!

أولاً ألف مبروك على صيانة الـ 10000 و ربنا يرزقك خيرها و يكفيك شرها.

التكلفة حوالى 850 لـ 950 جنيه (اللى بيفرق من مكان لمكان عدد ساعات المصنعية).

- زيت و فلتر زيت (أساسى لازم هايتغيروا)

- فلتر تكييف - فلتر بنزين - فلتر هوا - مية مساحات - فوم لغسيل المحرك (بعد الكشف عليهم)

* إغسل بالفوم برا فى أى حتة, عندهم مالهوش ثلاثة لازمة.

* اطلب منهم يحطوا الحاجات اللى غيروها على حسابك فى شنطة العربية

* موضوع تغيير التيل قبل الـ 10000 على حسابهم مش قانون أو شرط أو قاعدة, دى حاجه بتحصل كدا بصورة ودية و مش مع كل الناس, خلى بالك طويل لإن الصيانة بتاخد أكثر من 4 ساعات خصوصاً لو رحت يوم زحمة.

* روح بدرى على قد ما تقدر و خد معاك شاحن موبايل و مستلزماتك لـ 6 ساعات.

لو عندك أى ملاحظات إتأكد إنهم يكتبوها فى أوردر الشغل بما فيها التيل اللى بيصفر (لو التيل صفر عندك).

المشاركة الأصلية كتبت بواسطة temo2004

التكلفة تقريبا 950 بالنسبة للتيل لازم متكونش قفلت 10000 كم عشان يغيروه في الضمان وبالتالي يغير الطنابير لو اتأثرت
انا رحت يوم سبت وزحمة عشان كده قعدني 4 ساعات وكمان تغييرالتيل والطنابير بياخد وقت مع البريك اللي بياخدوه الاساتذه في التوكيل هتاخد 4 ساعات

الله يطمنك .. انا لسه حاجز يوم السبت الساعة 1.30
متشكرلك جدااا :)

المشاركة الأصلية كتبت بواسطة ashraf fawzy

أولاً ألف مبروك على صيانة الـ 10000 و ربنا يرزقك خيرها و يكفيك شرها.

التكلفة حوالى 850 لـ 950 جنيه (اللى بيفرق من مكان لمكان عدد ساعات المصنعية).

- زيت و فلتر زيت (أساسى لازم هايتغيروا)

- فلتر تكييف - فلتر بنزين - فلتر هوا - مية مساحات - فوم لغسيل المحرك (بعد الكشف عليهم)

* إغسل بالفوم برا فى أى حتة, عندهم مالهوش ثلاثة لازمة.

* اطلب منهم يحطوا الحاجات اللى غيروها على حسابك فى شنطة العربية

* موضوع تغيير التيل قبل الـ 10000 على حسابهم مش قانون أو شرط أو قاعدة, دى حاجه بتحصل كدا بصورة ودية و مش مع كل الناس, خلى بالك طويل لإن الصيانة بتاخد أكثر من 4 ساعات خصوصاً لو رحت يوم زحمة.

* روح بدرى على قد ما تقدر و خد معاك شاحن موبايل و مستلزماتك لـ 6 ساعات.

لو عندك أى ملاحظات إتأكد إنهم يكتبوها فى أوردر الشغل بما فيها التيل اللى بيصفر (لو التيل صفر عندك).

مبقتش عارف ايه اللي في الضمان وايه اللي على حسابي بما ان التكلفة داخلة على 1000 جنيه ..
على اي حال .. ربنا يجزيك كل خير على النصايح الغالية دي بجد .. شكرا جزيلا :))))))

نصيحة احجز يوم غير السبت
او متروحش 1:30 زي ما قالولك تروح تبقى واقف هناك 8 صباحا بالكتير وتدخل في الاول
وزي ما قال استاذ اشرف اتاكد ان كل ملاحظاتك مكتوبة في اوردر الشغل عشان متنساش هات ورقة وقلم قبل ما تروح واكتب كل حاجة في العربية ولو اتاخرو -وده طبيعي- اسأل العربية فين بيتعمل فيها ايه وكده عشان يتحركو

المشاركة الأصلية كتبت بواسطة temo2004

نصيحة احجز يوم غير السبت
او متروحش 1:30 زي ما قالولك تروح تبقى واقف هناك 8 صباحا بالكتير وتدخل في الاول
وزي ما قال استاذ اشرف اتاكد ان كل ملاحظاتك مكتوبة في اوردر الشغل عشان متنساش هات ورقة وقلم قبل ما تروح واكتب كل حاجة في العربية ولو اتاخرو -وده طبيعي- اسأل العربية فين بيتعمل فيها ايه وكده عشان يتحركو

انا الحمد لله روحت فعلا في الميعاد ده وقبل ماسيب العربية قلت للمهندس على كل الملاحيظ ومن ضمنها صفارة التيل .. وقالي هيكشف عليه
المهم بعد ساعتين نده عليها في الحسابات وحاسبت وروحت استلمت العربية طلبت قطع الغيار اللي اتغيرت وسألت على كام حاجة وكانت الساعة حوالي 4 فكانوا متسرعين شوية .. بس وانا مروح سمعت صوت التيل تاني ومعرفش هو بص عليه ولا لأ ..
سؤالي دلوقتي .. لو روحت كشفت على التيل بره وطلع فعلا عايز يتغير .. هينفع احجز تاني في التوكيل واروح اغيره ولا مينفعش واخدها من قصيرها وادور عليه في اي حتة واغيره انا ؟