الموضوع: للخبراء والمناقشة: بصيص امل فى موتور بديل لاصحاب الشاريد 10 و ربما 100

فى الحقيقة سبب اهتمامى بكتابة هذا الموضوع هو ملاحظتى ان هناك الكثير من الاستفسارات عن بديل لموتور الشاريد
لان موتور الشاريد اصبح قليل وغالى لان اصحاب العربات الصينى اصبحوا يركبونه فى سياراتهم مثل الجيلى فروتا والاديا وغيرها كما يقول العضو
medo5th
فى موضوع سابق فى هذا المنتدى:
http://www.nilemotors.net/Nile/453440-3.html

اما بالتسبة لعدم موافقة المرور فقد فهمت من قراءتى انه:


"لا يسمح بتغيير مكان أو عمل اي تعديل على اي قاعدة من قواعد المحرك الأصليه بجسم السياره. لا يسمح بتركيب محرك لغير ماركة السياره الا اذا لم يتوفر موتور لهذه السيارة فى السوق. يعني مينفعش تسقط موتور ميتسوبيشي في هوندا. إلا إذا لم يتوفر محرك لتلك السياره عدا ذلك فهو مسموح به حتى و إن كان سعته اللتريه أعلى من الموتور الأصلي بس هو مش ممنوع عامة.

وهذه امثلة لخبرات واقوال بعض الناس على النت:

يقول احدهم فى احد المنتديات:
"أنا لسه جاي من المرور وسألت علي تغيير الموتور قالو ينفع بشرط عدم اللعب في قواعد الموتور
ويكون الموتور معاه إفراج جمركي وده طبعا عادي المواتير الإستيراد لها إفراج جمركي
بس المهم الموتور يركب بدون تعديل في القواعد
وشكرا"

ويقول آخر
"الأخ اللي ذكر موافقه المرور أنا فعلا رحت المرور
ومافيش مانع من التغيير بس بشرط عدم اللعب في أماكن
القواعد في الحوض والشاسيه"

ويقول ثالث

"النهاردة كنت في المرور بجدد رخصة الموتوسيكل بتاعي رحت سألت مهندس الفحص على تسقيط موتور لسيارة قلتله على سبيل المثال عربية اسبيرانزا هل ينفع يركب عليها متور لانسر قالي أهم حاجة الموتور يركب على نفس قواعد موتور العربية الأصلي بدون أي تعديل للقواعد ولو لاحظ ترحيل الموتور لأي ناحية أو القواعد اتلعب فيها بيرفض الترخيص

ورابع:
"لا يسمح بتغيير مكان أو عمل اي تعديل على اي قاعدة من قواعد المحرك الأصليه بجسم السياره. لا يسمح بتركيب محرك لغير ماركة السياره. يعني مينفعش تسقط موتور ميتسوبيشي في هوندا. إلا إذا لم يتوفر محرك لتلك السياره. ك الرانجلر و السوزوكي الساموراي.....الخ عدا ذلك فهو مسموح به حتى و إن كان سعته اللتريه أعلى من الموتور الأصلي. و لو حصل مشاكل فتح دماغك مع الراجل و حتبقى كل حاجه مسموح بيها إن شاء الله بس هو مش ممنوع عامة لإني سألت في المرور".


طبعا دى كلها اقوال ناس ولم استمع لها بنفسى ولم اسال عنها بنفسى ..هذا للعلم والتحذير
وكما قلت فى البداية هذه الموضوع غرضه الاجابة على بعض التساؤلات عن بديل ممكن لموتور شاريد ...جايز حد يستفيد منه