الموضوع: عربيتي لانوس وبتبطل سعات في الزحمة و مش بتدور الا باعجوبه

السلام عليكم
سؤال لشباب اللانوس لو تكرمتم. انا معايا لانوس 2000 و العربيه بتمشي كويس بس ساعات و انا في الزحمه بتبطل و مش بترضي تدور خالص.
مره حاولت افك فلتر البنزين علشان اتاكد ان البنزين بيوصل للرشاشات و لقيته فعلا بيوصل لان كان البنزين كان مضغوط ف المسطره و نزل من الخرطوم لمل شيلته من الفلتر.
و بعد لما وصلت الفلتر تاني العربيه بدأت تلقط و تدور بس مخنوقه اوي فسبتها علي السلانسيه يجي 10 ثواني و بدأت تستجيب للبنزين.
رحت كشفت علي الموبينه و اسلاك الموبينه و طلعم تمام. و غيرت البوجيهات بالمره. و حطيطها علي الجهاز و مكانش فيه اي خطأ. و بعد كده عمل ريسيت للكنترول. و لما روحت العربيه عملت نفس الموقف تاني. و كلمت الراجل قالي خلي حد يدور و بص علي خرج الموبينه. و أنا بشيل سلك سلك بلاقي فيه كهربه و سبحان الله و انا بجرب اشيل سلك سلك و اركبه العربيه لقطت تاني و دارت و كنت لازم اسيبها برده حوالي 10 ثواني لحد ما ترجع تستجيب للدوسة بتاع البنزين.

افيدوني لو تكرمتم علشان انا محتار دا ايه بالزبط و اعمل ايه علشان احل المشكله دي.

نظف البوابة بإسبراى منظف الكارباراتير , مرة عملتها و العربية رجعت إكسبريس بعد ما كانت بتبطل , كما أنصحك بعمل صيانات دورية لأن الحاجات دى بتتعمل روتينى فى الصيانات الدورية.