سكودا رابيد

**Mahmoudgebril** · 10-03-2015 10:02 AM

اخواني اعضاء المنتدي كنت عاوز اسال علي رايكم في سكودا رابيد الفءة الاولي اتوماتيك ١٥٣٠٠٠ جنيه وهل هي افضل والا كروز وياريت لو توضحو الاسباب شكرا لكم

**yasser100** · 10-03-2015 11:18 AM

الكروز طبعا و على فكره الرابيد فئه و الكروز فئه تانيه , لا يغرك نفس السعر او توكيل بيستهبل فى اسعاره .

خامات الكروز الداخليه اعلى بكتير من الرابيد و ثبات على الطريق محترم و عفشه محترمه و شكل فخامه احسن و موتور 115 حصان , الرابيد تقريبا 105 حصان .

يكفى انه 153000 جنيه بتكلمنى عن فئه فى الكروز فيها كل حاجه من جنوط لاربعه زجاج كهربا لفوانيس شبوره و غيره و بنفس السعر فئه اولى رابيد , عربيه تجميع كورى و عربيه تجميع هندى .

الرابيد لا تقارن باكتر من بيجو 301 و تتفوق عليها ال 301 شكلا و انتشارا و قطع غيار و اعادة بيع .

**nagy wassef** · 10-03-2015 10:07 PM

الكروز احسن فعلا بس بيجو 301 ايه حضرتك اللى احسن من الرابيد
حضرتك شفت البيجو من جوا؟؟؟؟
دى فرنا من جوا
دى حتى مافيهاش مجموعة زاير الازاز الكهرباء
شنطة اصغر
صالون اضيق
تكييف تعبان فى الحر زى قلته
نتشات ببن النقلات
مشكلة فى الطنابير
و اعادة بيع ايه اللى احسن؟
هى بتتباع علشان رخيصة
و رخيصة و رديئة
و لا ليها علاقة بالبيجو اساسا
دا ال 208 اغلى منها بحوالى اربعين الف تفتكر ليه!!!!!
وواضح ان حضرتك متعرفش معلومات كتير عن الرابيد
هندى مين حضرتك؟ الرابيد تشيكى سعادتك
مين قال لحضرتك ان الرابيد اول فئة مافيهاش اربعة ازاز كهرباء؟
هو حضرتك بتجيب المعلومات دى منين؟