الموضوع: 4x4 vs Sedan

نا بفكر أبيع kk بقى لها معايا سنة تقريبا المشكلة ان العربية عاجبانى و لكن سواقتها مش ممتعة نظرا لأنها مش بتتمتع بثبات على السرعات العالية مجرد ما تجيب ال 100 بحسها مش متزنة و بخاف اعمل بيها غرز احسن افقد السيطرة عليها. قبلها كان معايا قشقاى و مع الفرق الشاسع بين العربيتين الا ان القشقاى كانت امتع فى السواقة و ثابته على الأرض و هى على 160. ده غير العفشة الناشفة اللى بتخليك تحس بكل نقره فى الأرض.
السؤال هنا هل الرانجلر مختلفة اللى اعرفه ان عفشتها انشف و لكن بالنسبة للثبات على الطريق معرفش؟؟
كشكل مين اقيم ال kk ام الرانجلر مع ملاحظة ان تقفيل الرانجلر من جوا مش عاجبنى ؟ لو فيه حد جرب يغير الجيب و يركب مرسيدس c 180 او bm 316 و حس بفرق الأرتفاع؟ بس حتبقى ميزة الأرتفاع مقابل التمتع بالثبات على السرعات العالية.
و فى ظل الأرتفاع المتوقع لأسعار البنزين متهيألى ال cc العالى مش حيبقى ميزه بالعكس حينزل سعر ال 4x4
يا ريت المساعدة فى الأختيار و لكم جزيل الشكر. و لو حد عنده تجربه يا ريت ميبخلش بيها.

المشاركة الأصلية كتبت بواسطة م/أحمد عبد الفتاح

أنا مخدتش بالى من الموضوع ده - أنا رديت هناك :)
بالنسبة لعدم الإتزان ده مش باحسه خالص فى أى سرعة وانا باوصل بالسرعة اكتر من ١٦٠ كم/ساعة ومش باحس بعدم الإتزان بالمرة إلا فى الملفات علشان كده طول مانت ماشى بالسرعات العالية فى خط مستقيم موضوع الاتزان ده مش بيبان بالمرة - والرانجلر من بعد الـ ١٤٠ بتحس بالموضوع ده بس مش للدرجة برضه - أنصحك بالكشف على العفشة الأمامية خصوصاً الـ track bar والمقصات ( قدام وورا) - بس ابدأ بتربيط العفشة - ولو بتحس بهزة على السرعات العالية لما تفرمل يبقى تغير طنابير قدام لأنها ساعات بعد الـ ٦٠ الف كم بيبقى فيها رفة ( ماتنفعش تتخرط) .
المقارنة بين الـ KK والرانجلر حسب استخدامك وطلبك - يعنى لو معاك اسرة كبيرة القعدة ورا فى الرانجلر مش حاتعجبهم - بس الرانجلر متعة فى كل حاجه - الـ kk مناورتها والتحكم فيها وزوايا الرؤية ممتازة - الـ KK قعدتها مريحة واوبشناتها اكتر من الرانجلر . يعنى المقارنة بين طرازين فى الجيب حاتبقى حسب إيه إللى انت عاوزه من العربية.
بالنسبة لو حتقارن الجيب بأى حاجه تانية يبقى اشترى الحاجة التانية على طول وماتفكرش فى الجيب.
لما سعر البنزين زاد العربيات الجيب غليت فى تمنها عكس المتوقع !!!!!!!

شكرا على رد حضرتك. انا بردو رديت عليك فى الموضوع التانى قبل ما اشوف هنا. انا غيرت المقصات و البيض قدام فقط و طبعا ربطت العفشه. و فعلا بيحصل هزه عند الفرمله ممكن يكون الطنابير عايزه تتغير زى ما حضرتك قلت. العربية بتاكل التيل بسرعه جدا مبيلحقش. و ذكرت لحضرتك ان عند وجود اسفلت مموج بحس العربيه بتعوم منى فلازم اخد بالى و اتحكم فى الباور كويس علشان العربيه متحدفش.
و بالنسبة لسعر البنزين هو اصلا كل العربيات ثمنها ارتفع مش الجيب فقط. بس يا ترى حيظل اقبال الناس على الجيب زى ما هو فى ظل استهلاكها المرتفع للبنزين. كده سعر ال re-selling ممكن ينزل.
و شكرا على الأهتمام