طريقة لإختصار مشوار المرور وزحمته

**mesaharaty** · 12-03-2015 09:23 AM

بشرى سارة لأهالى القاهرة والجيزة
النهارده فيه اعلن فى الأهرام لشركة ((فورى)) عاملين خدمة حلوة جدا وهى إن ممكن حضرتك تدفع مخالفات عربيتك والضرايب والتأمين من خلال أى حد عنده خدمة فورى نظير رسوم بسيطة (أعتقد أقل من الرشاوى اللى بتندفع فى المرور) وتستلم الرخصة خلال أسبوع دليفرى برضه .
وفى حالة وجود فحص للسيارة يمكنك دفع الرسوم المذكورة ثم التوجه بالعربية للمرور للفحص وفى الحالة دى الرخصة حضرتك بتستلمها من المرور بنفسك كالمعتاد .
يعنى برضه أهى خطوة نقدر بيها نتخلص من الزحمة وقلة الأدب ونوفر وقتنا اللى بيضيع فى وحدات المرور .
يا ريت اللى يجرب الموضوع ده يعمل لنا موضوع بالتجربة ومدى نجاحها وما سلبياتها .
وعلى فكرة فيه رقم ممكن تستفسر منه على طريقة الخدمة وأى سؤال بخصوصها وهو :
16421

بالتوفيق

**هانى مأمون** · 12-03-2015 10:03 AM

يا رب نشوف الوضع ده فى بلدنا
ونبعد عن المرور ومشاكله

**Mohamed Bander** · 12-03-2015 10:35 AM

معظم الناس بترخص 3 سنين مع الفحص هو كده مريحش حد والزحمة هى هى

90% من اللي بيجددوا سنوى العربيات اللى بالقسط و دى لازم يروح المرور علشان جواب البنك

لازم يريح موضوع الفحص ده