أهل الخير والنصيحة 65 الف اشترى بيهم ايه

**ahmed_moeaz** · 14-03-2015 01:32 PM

السلام عليكم ورحمه الله
الحمد لله ربنا كرمنى بمقدم حلو وداخل جمعية قدرت اوفر منهم 65000 لشراء سيارة
المهم الحيرة ثم الحيرة دلوقت شوفت الزيرو التو ب62000 وشفت الجيلى بانديدو67000
وشايف كام واحدة فيرنا فوق 2010 وعداد كويس بتعمل ف حدود 67000 برضو
انا محتار جدا والفلوس مش جية بالساهل وارجو النصح والمشورة وجزاكم الله خيراً

**moataz_alsbak** · 14-03-2015 06:58 PM

سؤال مهم ومنتظر الردود

**Mona Mourad** · 15-03-2015 01:22 AM

انا ماجربتش ولا واحدة في دول
بس لو الفيرنا اللي ادامك كويسة يباة اتكل على الله او شوف حاجة مستعملة نضيفة
السزوكي التو شوفتها امبارح في معرض اتوماك ب 59 الف مافيهاش غير تكييف و800 سي سي يعني لا هتسحب حلو ولا التكييف هيأثر كويس بس حلوة في المشاوير الصغيرة والشوارع النضيفة
اما الصيني كله حلو في اوله وبعد كدة بيصرف اكتر من تمنه صيانة لانها عربية من بره الله الله ومن جوه يعلم الله

**توتى توتى** · 15-03-2015 02:00 AM

الموضوع متوقف على احتياجك من العربيه محتاج حاجه هاتشباك صغيره ولاحاجه عائليه ولو قدامك فيرنا نظيفه ومضمونه تبقى افضل سياره اقتصاديه وقطع غيارها متوفره وتعتبر عائليه و بتستحمل

**tarek zedan** · 15-03-2015 04:39 AM

بص يا فندم احلى حاجه فى الحدود دى عربيتين

اولا يا نوبيرا اوروبى موديل ٩٩ فابريكا برة وجوة معاقين فكه حظر وفيها تابلوة ابنوس و اوتوماتيك و ١٥٠٠ سى سى و abs فرامل مانعه للانزلاق و تكييف تاتش وكاسيت تاتش و زجاج حرارى وقطع غيار رخيصه وهتعمل حاله مضيفه جدا جدا ٥٠ الف
او
ثانيا لانسر مكوة موديل ٢٠٠١ وهيا ١٣٠٠ كربراتير ١٣٠٠ سى سى وهتشحن بنزين ٨٠ وقطع غيار كويسه بس كدة

اختار يا الاوبشن كورى مواصفات اوروبيه يا يابانى من غير مواصفات
دول احلى عربيتين فى الرنج بتاعك والله اعلم

**ahmed_moeaz** · 15-03-2015 05:24 AM

متشكر جدا على الاراء انا فعلا بحاول اقنع نفسى بالالتو بس الميزة الوحيدة هيا الزيرو فيها وركبتها ف المعرض مش حاسسها عربية هتشيلنى كده بس اراء الناس هنا ف قسم السوزوكى عنها وتقيمهم ليها ايجايبى جدا جدا جدا بس انا مش مقتنع بركوبتها تماماً
انا مركز فى الفيرنا تكون حاله نضيفة وموديل قريب من اول 2009 وان شاء الله ربنا يوفقنى والاقى حالة كويسة مع ان المدام مش راضية تماما وعايزة الالتو عشان زيرو والاعطال وقرف المستعمل ربنا يسهل وهوافيكم بالجديد حين حدوثة

**merosss** · 15-03-2015 07:04 AM

ممكن نوبيرا او نيسان صنى. 2008. فرق كبير بينهم وبين الفرنا. ثبات ووسع. المبلغ ده يجيب نوبيرا حاله ممتازه

**pepo2011** · 15-03-2015 07:38 AM

الفيرنااااااااا او اللانوس

**ahmed_moeaz** · 25-03-2015 07:21 AM

الحمد لله ربنا كرمنى بسوزوكى التو بصراحة العربية دى ميتحكمش عليها غير لما تجربها بنفسك فعلاً وانا كل مشاويرى جوه اسكندرية وبسافر كل اسبوعين بتاع 200 كيلو سريع والحمد لله ربنا وفقنى فيها

**pepo2011** · 25-03-2015 08:52 AM

مبروك وربنا يستر طريقك

الموضوع: أهل الخير والنصيحة 65 الف اشترى بيهم ايه

LinkBack

أدوات الموضوع

عرض

-

-

-

المواضيع المتشابهه

معايا 45 ال جنيه. ممكن اشترى بيهم عربية ايه؟

معايا 45000 ممكن اشترى بيهم عربية كويسة؟

معايا 40000 اشترى بيهم اية ولسة بتعلم السواقة

25 الف اشترى بيهم اية؟؟؟

معايا 17 الف ممكن اشترى بيهم عربية 131 حاله كويسة

الكلمات الدلالية لهذا الموضوع

المفضلات

المفضلات

ضوابط المشاركة