الموضوع: رائحة كريهة من تكييف كاريير

المشاركة الأصلية كتبت بواسطة محمد يوسف

لازم فنى يفكهولك...ممكن يكون فار ميت جواه

المشكلة ان الرائحة بتيجي مع التشغيل فقط - شهور مطفي ومافيش رائحة
الكلام ده بقالوا سنتين - ماكونتش مركز علشان الغرفة مكانتش مستخدمة كتير

ومع ذلك هاضمها للافكار - ياريت لو فيه محاولات تانية حد يحب يقترحها

بص ياباشا المنتج ده من ليكوي مولي الالمانية معمول لتكييف العربية بس اظن الفكرة واحدة


وده منتج اخر


بيتباع في ش دمشق مصر الجديدة وفي مدينة نصر عند محل اسمه باور زون وفيه صفحة عالفيس اسمها liqui moly xpress shop عليه منتجات الشركة ديه ووصفها وبيصلوا للبيت

شوف حضرتك .. دي مشكله عامه في كل التكييفات .. تختلف نسبتها حسب وضع التكييف وفترات تشغيله .. الخ

وحضرتك بتشمها وتلاحظها .. اثناء تشغيل مروحه فقط بدون تبريد .. ( يعني التكييف وصل للدرجه المطلوبه وشغال مروحه ) .. لكن اثناء خروج الهواء البارد وليس هواء عادي .. مش بتشمها .

سبب المشكله : بكتريا متراقمه ومتجمعه على مكونات التكييف ( المروحه والفلاتر وحوض تسريب المياه الخ )

العلاج : التظيف والتعقيم المتقن لمكونات التكييف بقدر ما يمكنك

الادوات اللي هتستخدمها في التظيف والطريقه :

علبة بخاخ فاضيه .. تملاها شوية ديتول " حاجه بسيطه " على شويتين خل " اتوصى بالخل " على الباقي ميه
و فوطه او فوطين للتنظيف .. وتفضي نفسك كده شويه وتجهز سلم المطبخ او كرسي عالي .. وعيييش

هتاخد الفلاتر اول حاجه تغسلها تحت الحنفيه " ميه سخنه " غسله محترمه بضمير وبلطف علشان ما تقطعش الفلاتر

وتركنها تنشف على جنب .. وتروح للتكيف .. ترش الوحده من الداخل بالبخاخ على جميع الاجزاء اللي تقدر توصلها ايدك

وخاصة الفانه السودا دي .. هتلاقيها بتنزل هباااااااب .. تفضل ترش يمين وشمال وفوق وتحت .

وهتلاقي بقع بنيه على الريش من الداخل .. دي سببها البكتريا .. تنضفها وتمسحها كويس جداً بالفوطه وتنضف الريش تمام اوي

وتمسح الفانه بتاعة التكييف السودا بالفوطه .. والفوطه هتتوسخ وتسود وتتهبب عادي

تعمل القصه دي مرتين ( تملى البخاخ مرتين ) .. وايدك هتقف وتتعب عادي

وبعدين امسح الميه وروق الدنيا بالفوطه التانيه النضيفه .. و ركب الفلاتر بعد ماتكون رشيتها هي كمان اثناء الغسيل وعقمتها

وماتشغلش التكييف الا تاني يوم

هتشم ريحة الخل ملحوظه اول يوم تشغيل وهتضايقك شويه . .. وبعدين خلاص .. إستمتع بالتكييف بتاعك بدون رائحه كريه :)

القصه تعقيم ولازم تتعمل بشكل دوري كل فتره .

الفكرة تبدو مفيدة بغض النظر نفعت ولا لآ - انا هاجربها - ونفس الكلام مع التكييفات التانية - وربنا يسهل

وشرح المشكلة فعلا كده - بتزيد الرائحة اوي فترات توقف الكومبرسور والمروحة شغالة لوحدها