سؤال عن صوت حكة في العجلة اليمين امامي

**Drsmash** · 14-03-2015 07:34 PM

عندي عربية نيسان صني الشكل الجديد موديل 2014

و أنا ماشي بسمع صوت حكة علي اليمين ملهاش توقيت معين بتظهر فيه يعني ممكن تظهر بعد ربع ساعة أو متظهرش
الصوت مسمع كأنه حديد في حديد بس مش كابس كانه ملمس حديد في حديد

مفيش أصوات في الملفات و لا طقطقه ولا شخللله لا في الملفات ولا المطبات
رفعت العربية و بصينا علي الزوايا مفيش اي مشاكل و العربية من تحت نظيفة

فيه ناس بتقولي انها ممكن تكون التيل بياكل في الطنابير بس أنا مستغرب أزاي و أنا ماشي بسرعة بسمع الصوت ده هو اي بيظهر بعد مسيب رجلي من الفرامل و أدوس بنزين بس مستغربه

انا حاجز بكره في التوكيل صيانه 20000 الف كيلو و التيل مغيره علي 7000 كيلو مع الكاليبر و الحاجات اللي الضمان عيرها في منظومة الفرامل يعني التيل مكملش 20000 الف كيلو مع العلم أن العربية بتمشي في اليوم الواحد ساعة نص ساعة رايح شغلي و نص راجع !!!!!!!!!!!

ممكن لو حد عنده معلومة يفيدني ؟

**مصطفى-حسن** · 14-03-2015 07:55 PM

بصفة عامة صوت الحكة دة بيكون بسبب حاجة من اتنين
1 - مسمار جنط اطول من الباقى بس دة بيسبب حكة مستمرة
2 - بتكون فية حتة صاجة ورا الطنابير لو اتعوجت بفعل مطب ولا حاجة بتعمل الصوت دة

الكلام دة على اعتبار ان الصوت بيذيد مع السرعة ويقل مع السرعة لو انا فهمتك صح

**مصطفى-حسن** · 14-03-2015 09:18 PM

حضرتك ممكن تعملها بايدك لو طلعت هيا اللى بتعمل الصوت

دى صاجة مش حديد

**مصطفى-حسن** · 15-03-2015 12:16 AM

العجلة اللى انت شاكك فيها ارفعها على الكوريك ولف العجلة بايدك لوسمعت الصوت هتعرف تميز مكانة بمنتهى السهولة وهوبيبقى ورا الجنط

خلى بالك ان كل دة على اعتبار ان الصوت بيزيد مع السرعة ويقل معاها

**john55** · 16-03-2015 09:10 AM

الحمد لله انك عرفت المشكله فين بس حضرتك مغير التيل قبل كدا ومكملش 7000 خامه التيل في الضياع علي الاقل التيل من 30 الي 35 الف علشان يتغير انت غيرته علي حسابك ولا تيع الضمان وخلي بالك من الطنابير بلطريقه دي ممكن تعمل ريجه ورعشه لما تدوس فرامل وشكرا