الموضوع: استشارة .. رجالة نيسان يرجى الافادة

معايا نيسان صني ٢٠٠٩ اوتو تمام وزي الفل الحمد لله شاريها ٧٠ الف وحاليا ٧٦ الف كيلو
المهم جبتلها جركن موبيل ١ ع ٧٤ الف اول تغير زيت
وربنا يسامح الميكانيكي موقفتش معاه حط ٣.٥ مع الفلتر
سافرت بالعربية عملت ٣٠٠ كياو يومها بعد غيار الزيت وزي الفل ومشيها كان تمام
جيت بركن تحت البيت لقيتها برجلت واول مجبتها على ال n بطلت
المهم بعدها بيوم نزلت فكيت فلتر الهوا ونضفته وكلست بنزين خليتها فصلت ٥ ثواني وسيبتها
ومحصلش تاني انها طفت
كنت في التوفيقية من يومين اشتريت طقم بوجيهات داوسون اريديوم
جيت اركبهم واتصدمت
فكيت المباين بتاع البوجيهات
لقيت اول وتاني بجيه من اايمين عليهم تقريبا ٢ سنتي زيت مغطينهم وهما في مكانهم
فكيت البوجيهات حرقها مفيهوش مشاكل ومش معرقين
بعد استشارة ٢ ميكانيكية
واحد افتى بتغيير غطا تاكيهات
والتاني افتى بتغيير اولسيهات فقط
الاويل سيلات ب ١٥٠ جنية بعد عناء طويل
دلوقتي
انا نزلت نص كيلو زيت والمقاس مظبوط
هل فعلا المشكلة بسبب الزيت الزيادة ولا محتاج اغير الويل سيل
حد مر بالتجربة دي قبل كدة ؟؟
حد عنده اراء ؟؟

يعني رايك برضو الموضوع ممكن يكون بسبب الزيت الزيادة
اما نشوف بقى ربنا يستر انا بفكر امشي بيها ٥٠٠ كياو مثلا واجرب اشوف في زيت تاني ولا لا