الموضوع: لا تتعامل مع النيل الهندسية

المشاركة الأصلية كتبت بواسطة متضرر

السلام عليكم ورحمة الله وبركاتة .

دى حكايتى مع الفيات ...

من كام سنه استغبيت واشتريت عربية فيات لينيا 77 حصان من معرض المصرية للسيارات موديل 2008
اتعاملت مع اسوأ توكيل في الدنيا وهو توكيل اوماترا ومش محتاج احكي عنه لان سمعته فاضحاه المهم عدت الايام وبقي توكيل فيات رسميا هو النيل الهندسية وده الاسوأ منه بمراحل ليه بقي هقولكم انا ماشي بعربيتي عادى جدا وظهرلي على تابلو العربية check engine بدون سبب ومع العلم انى غسلت العربية البادى بس وديتها التوكيل يوم 27-12-2014 اخدو العربية لحد يوم 5-1-2015 بيجربوها على كمبيوتر وعلى الوايرنج وانا ساكت المهم اخترعولى مشكله ان كنترول الموتور هو اللى بايظ وبعتو يجيبو من ايطاليا تلات شهور بعد خناقات ومشاكل وشكوى لجهاز حماية المستهلك وكمان فاتورة ب 12000 الف المهم ركبو الكنترول وانا كنت جيت من سفر كنت مديهم تعليق ان الازاز الله جنبي ساعات بيعلق راحو مبوظنلى الازاز اللى جنبي وقالو كمان انى انا السبب فيه وكسرولى الزرار بتاع الازاز الخلفى لا ومش كده بس استلمت العربية وبعد يومين والله مغسلت ولا نيلت العربية وبكيس التوكيل على الكرسي حتى العربية عملت نفس الموقف وبقالها عندهم 4 أياااام يا ساااااده بيكشفو على الكنترول تانى وعلى الوايرنج .. انصح كل واحد عنده عربية فيات او الفاروميو ميروحش التوكيل وفلوسك الله اشتريت بيها عربياك عوضك ع الله فيها ... لناس مبتحترمش وقت الناس ولا بيحترمو حق المستهلك ولا في تفاهم . وحسبي الله ونعم الوكيل

سبب نشر الكلام دة لانى متضرر وهفضل افضحهم لحد ميقفلولهم التوكيل في مصر

بعتلك على الخاص