الموضوع: تيست درايف وقوة فيكترا بى فى هولندا

المشاركة الأصلية كتبت بواسطة medosalah

هما الناس دول فلوسهم حرام ولا ايه؟؟؟

العربيه زيرو والحوض بتاعها زيرو ويعملوا فيها كده؟؟

احنا في مصر لو عندنا صفيحه زبالله بنركبلها 4 كاوتشات ونمشيها ونقول عربيه فرصه

ازيك يا دكتور منور الموضوع والله
الناس دى بتاخد العربيات دى من اصحاب العربيات دى ببلاش واصحاب العربيات كمان بتدفع 50 يورو على العربية علشات بتوع التقطيع يجو يخدوها وتتشال من على اسم صاحب العربية علشان الضرائب كتير اوى وتتحط باسم وكالة التقطيع وبكدة يبقى خلص منها ثم ان تمن العربيات دى لو بتتباع وحد يرضى اصلا يشتريها فهى رخيصة جدا يعنى مش تمن ضرايب شهر ولا شهرين ومحدش بيرضى يشتريها لان عندهم مركات اعلى وافخم ورخيصة فهيركب ليه موديل قديم فعلشان كدة بيوديها التقطيع علشان يخلص من ضرائبها ويجو الناس بتوع التقطيع يعملوا الفيديوهات دى وبدون اى خسائر تذكر دا بالعكس هما بيعملوها زى تسلية اوترفيه او لعبة يعنى واحنا نتفرج وننبهر من المناظر دى ولكن هما مش خسرانين حاجة وفى الاخر كمان ممكن يبيعوا منها قطع غيار واهى لعبة لعبوها وخلاص على كدة زى الالعاب النارية والمفرقعات اللى بيصرفوا عليها الاف اليوروهات فى راس السنة والمناسبات بتعتهم ولا يبالوا
الحياة عندهم سهلة كل حاجة موجودة ومتاحة للجميع ومستوى دخل عالى فليه ميعملوش اكتر من كدة
اما احنا فى مصر ربنا يكون فى عونناالعربية فعلا بتبقى صفيحة زبالة وبتتباع اضعاف اضعاف سعرها برة فلازم يركب لها اربع عجلات ونقول عربية فرصة لا حول ولا قوة الا بالله
تقبل خالص تحياتى يا دكتور