سيراتو - ياريس

**Egy_fan** · 21-03-2015 11:08 PM

السلام عليكم. لسه مش عارف استقر
سيراتو اول فئه abs
ياريس

الثبات و الاتزان
قطع الغيار
استهلاك البنزين
قله الاعطال

انا بسافر كل اسبوع على الزراعى و الثبات مهمه جدا

وهل الياريس اليابانى الصغيره احسن من الكيا الكورى الكبيره؟؟؟

**Egy_fan** · 21-03-2015 11:11 PM

منغير زعل. الشارك و الفلوينس و الكروز بره الاختيارات

**محمد مجدي محمد** · 22-03-2015 12:26 AM

اولا الثبات
الثنين ثباتهم متوسط و مش ثابتين اوي
ثانيا قطع الغيار
قطع غيار السيراتو نار فقطع غيار الياريس ارخص
ثالثا استهلاك البنزين الياريس افضل و موفرة و السيراتو برضو كويسة
رابعا قلة الأعطال
الاثنين لا يوجد فيهم اعطال تذكر حتي الان
خامسا الياريس مش ياباني انا مش فاكر بصراحة هي تقفيل اية
انت ممكن تشوف ال301 الهاي لاين ب 138 الف
و فيها 2 ايرباج و abs و جنوط و نواكل و تكيف اوتو و بلوتوث و حساسات ركن و طارة مالتي و بتكون جلد
او ممكن تشوف لانسر بومة 1600 اوتو تكون كسر زيرو
العربية دية مفيهاش ولا عيب
ثابتة و ناعمة و سسحبها حلو و مفيهاش اعطال و قطع غيارها رخيصة بجد سيارة ممتازة

**Egy_fan** · 22-03-2015 11:06 AM

شكرا يا باشا. البومه مش هينفع علشان انا اصلا معايا بومه

مفيش ردود تانى؟؟؟

**Fawzy.Abdelnour** · 22-03-2015 04:05 PM

الياريس فرنساوي, و انا كنت بفكر فيها, بس لما ركبتها فقيره جدا, دى حتى افقر من الشارك اللى مش عاجبه الناس , غير ان الاوتوماتيك فاضيه, الهاى لاين مانيوال بس, غير الياريس الهاتش باك, دى حاجه تانيه.
و مفيش تويوتا يابانى خلاص, مصانع اليابان بتنتج Lexus و عربيات كبيره SUV فقط.
البيجو 301 بيقولو فيها مشكله فالفرامل, و الله اعلم.
السيراتو كل اللى اعرفه عنها ان عفشتها ناشفه.
فكر فاللانسر الشارك, اكتر عربيه ارتحتلها فى نفس الفئه السعريه

**Egy_fan** · 24-03-2015 03:14 PM

شكرا يا باشا بس الشارك مش عجبانى. سحبها تقيل و استهلاك بنزين عالى و عزل سئ

**volociximab** · 25-03-2015 02:05 AM

الياريس صرصار ١٣٠٠ سىسى
السيراتو من فئة الكورولا
الياريس الشكل القديم الكمبرسور بتاعها بيضرب فى السعودية

**Fawzy.Abdelnour** · 25-03-2015 12:32 PM

هي 1500cc مش 1300cc
موتور كويس مش وحش

**memo_p910** · 25-03-2015 08:17 PM

مفكرتش في البونتو ايفو الجديده

**borio1704** · 25-03-2015 09:29 PM

المقارنة كده ظالمة لليارس

السيراتو فئة أعلى وتتقارن بالكورولا والإيلانترا والفلوينس وحاجات تانية كتير

اليارس تتقارن بالكيا ربو والهيونداي أكسنت والبيجو 301 والنيسان صني.. وحاجات تانية كتير

عموما.. أنا معايا السيراتو هنا في السعودية و تعتبر زي أول فئة... تزيد عن أول فئة حاجات بسيطة زي بلوتوث وطارة ملتي.. جنوط سبور 16.. ريموت.. مقابض ومرايات بلون العربية.. شبكة سداسية ودلايات.. بس

وبحكم إنها معايا.. بقوللك عفشتها حلوة قوي مش زي الشكل القديم أبدا.. وثباتها حلو قوي.. وفعلا ما بحسش إني سايق بسرعة إلا بعد ال140-150.

مريحة جدا في السفر.. وواسعة جدا من جوه.. وشنطة العربية كبيرة وتشيل حوالي شنطتين كبار أو 3 متوسطين.

سافرت بيها من جده للمدينة.. وكنت مستمتع طول الطريق بيها

الفتيس بتاعها جميل .. 6 سرعات أوتوماتك مع وضع يدوي.. وده متعة لوحده.. ومش موجود في اليارس على فكرة.

استهلاك البنزين أعلى شوية من غيرها جوه البلد وفي الزحمة... بس على الطوالي موفر ومتوسط الاستهلاك حوالي 5-6 لتر / 100 كم على سرعة حوالي 120.

أنا جايبها بقالي حوالي سنة و 4 شهور.. وعامل بيها أكتر من 30 ألف كيلو لحد دلوقتي... وما بشتكيش من حاجة منها.. ما عدا صوت الفرامل على السرعات الواطية.

لو قدرت تجيبها يكون فيها بلوتوث يبقى أحسن وأحسن.

ثبات اليارس لا يمكن يكون أحسن .. ولا حتى زيها.

...