الموضوع: عايز نصيحة في حيرة كبيرة...

السلام عليكم

انا ان شاء الله نويت اشتري عربية و الهدف الاساسي اني عايز عربية فيها اوبشنز هاي لاين و كفاية بقي تركيب اكسسوارات مش اوريجنال

المهم انا كنت رسيت علي المازدا3 الجديدة بعد منزلو عليها اوفر و بقت ب 210 ال الهاي لاين اللي بتتشقلب بس خفت من الماتور ال 105 حصان و الفتيس ال 4 سرعات و اعادة البيع فكان الاختيار التاني السيراتو لانها 130 حصان و عربية بنفس مستوي عربيات كتير ياباني و ستابل و اعادة البيع و كل حاجة نمام التمام و ميزة السيراتو انها عاملة فقات كتير فانت ممكن تجيب عربية فيها كل الاوبشنز و مش شرط هاي لاين المهم للاسف عشان انا محتاج بلوتوث بينقل الارقام للعربية و اقدر اعمل مكالمة من غير ممسك التلفون مضطر اجيب الهاي لاين رغم ان الفرق بينه و بين اللي قبلها علي طول 12 الف بس للفرش الجلد و الكاميرا و الشاشة التاتش الصغيرة و دي ب 193 الف يعني بينها و بين المازدا 17 الف تقريبا ..... السوال بقي هل التفكير و الاختيار دة هو الامثل و لا لأ ...

هل الكيا و خصوصا السيراتو هو الاختيار اللي مفهوش عيوب لاسمعنا عن مشاكل في السيراتو و لا متور ضعيف و لا عدم ثبات و لا اعادة بيع وحشة و فعلا التعليق الوحيد انك بتجيب كوري بسعر ياباني لان العربية متينة زي الياباني

بعض الناس الركيبة من زمايلي قالولي انت سواقتك عنيفة و بتجري و مبنفعش معاك ماتور و فتيس المازدا حتي لو فيها كل الاوبشنز دي بالسعر دة

و حاجة كمان هتفرتك دماغي و هو القاشقاي الجديدة و الخوف اللي الناس عملاهولي من التربو في مصر و مشاكله علما بان بعض الاراء بتقول بردوا ان العربية العالية دي اقل ثباتا بدليل حادث الانقلاب اللي حصل ليا بالجوك من سنة بعد مكنت عامل بالعربية 1600 كم بس


افيدوني افادكم الله

المشاركة الأصلية كتبت بواسطة محمد مجدي محمد

و ماتشوف الفلوانس التوب لاين ب191 الف جنية
و عربية ثابتة و ناعمة و فيها بلوتوث و حساسات ركن و تكيف اوتو تاتش و فتحة سقف و فرش جلد و بصمة و مثبت سرعة و محدد سرعة و طارة ماتلي و ستارت انجن و ريتو كارد و ليدات و زينون و احسن من السيراتو و احسن من المازدا
لان السيراتو قطع غيارها نار و فنفس الوقت مش ثابتة اوي و عفشتها ناشفة و واطية
و ممكن برضو تشوف الكورولا الفئة الثانية او الهاي لاين ب191000 او 210000
فيها اوتو بارك حساسات امامي و خلفي و فيها بلوتوث و طارة مالتي و ستارت انجن و فرش جلد و مش فاكر اية ثاني بصراحة و بتزيد الفئة الأعلى ب كاميرا خلفية و شاشة تاتش
و الفئتين فيهم تكيف اوتو و جنوط
بس خد بالك انها ناشغة شوية و بترزع مع المطبات

موافقك جداااا .. كلام مظبوط
انا شايف المازدا صعبة عشان اعادة البيع و مشاكلها و كمان الكيا مش ثابتة زي ما انت متخيل هي مهما كانت كوري و ثباتها مش زي الاوروبي فانا شايف الكورولا و الفلوانس و السيفيك احسن بكتير و انا برجح اكتر الفلوانس عشان معايا و مجربها