كيفيه اصلاح الكلوك سبرينج في الجين 2 ..عيب شهير...

**فادى محمد** · 23-03-2015 02:17 PM

السلام عليكم ورحمه الله وبركاته..
مريت بتجربه اصلاح الكلوك سبرينج مع صديق عزيز لي وحبيت انقل لكم النتيجه للفايده العامه..
يبدو من خبره بعض ملاك الجين 2 ومراكز الصيانه انه عيب شهير وللاسف بعض الموديلالت لسه موجود فيها..العربيه بتاعه صديقي موديل 2013 .ماشيه 41000 كم ..
لمبه الايرباج نورت والكلاكس فصل..
رحنا لكهربائي فك الطاره وبالمناسبه مش بتحتاج زرجينه. سهلق عندكم..
طلعنا الكلوك سبرينج وفكيناه من بعضه ( كلبسات زنق) كشفنا علي شريط الايرباج برفعه في النور لقيناه سليم. يبقي القطع من جوه..طيب نتاكد ازاي؟؟
عن طريق الافوميتر. ونوصل خط خط من الفيشتين . لما الافو. يعمل صوت يبقي الخط ده سليم واللي بعده....
طريقه تانيه اكثر بدائيه..هتعمل دايره كهربيه بلمبه تست وتقطع الدايره وتوصل بكل خط .لو نورت اللمبه يبقي الخط ده سليم والعكس صحيح..

المهم . القطع كان من جوه فعلا من خط الكلاكس. سالنا عليه لقيناه ب650ج عند م ماجد في المنصوره
خدته ووديته لواحد بيصلح اجهزه الكترونيه وموبايلات...عمل كوبري ولحمه بالقصدير والحمد لله اشتغل وجاري التجربه.. دي صوره الكلوك سبرينج من ع النت

تقبلوا تحياتي

**carrier** · 23-03-2015 05:09 PM

واللى عايز يشغلوا يعدى عليا فى م.نصر اشغلهوله

**eng.m7md.ali** · 23-03-2015 06:56 PM

الله ينور ... بس انا رأيي كان يغيره في الضمان احسن العربية لسة جديدة

**Omar Mahmoud** · 24-03-2015 04:47 PM

الله ينور يا استاذ فادي

**e.s.o** · 25-03-2015 04:04 PM

انا عندي بقي حصل مشكله في التاره
اول شي انا عندي مكان الكلاكس تحس ان الدايره مقطوعه في التاره
ثانياً لمبه الايرباج منوره علي طول
ثالثاً وانا ماشي فجاءه لقيت الكلاكس بقي يعلق والتاره كل ما الف يمين او شمال الاقي صوت تكتكه كدا اكن في سلوك بتلف علي بعضيها جوا والكلاكس يفضل يزمر مع نفسه ويعلق والكاسيت يوطي الصوت مع نفسه

روحت لكهربائي راح فصلي الكلاكس وقالي عاوزه شريط ايرباج بس قالي تجيبو جديد حتي لو صيني