الموضوع: عايز افهم ايه العلاقه بين رقم الايزو iso وبين ال noise لهواه الكاميرات

المشاركة الأصلية كتبت بواسطة sofiman

بص ياباشا .. مبدئيا كده الكاميرا بتاعتك عادية مش dsrl فطبعا متتوقعش نفس الكواليتي و بالتالي افضل حل تعملها اوتو
لكن عموما الايزو هو تحديد كمية الضوء اللي داخلة الكاميرا فانت كل ما تعلي الايزو كل ما الصورة هتستفيد بأقل كمية ضوء موجودة في الظلام مع الاخذ في الاعتبار ان كل ما الايزو يعلى كل ما الnoise بيزيد و الاهتزاز عشان كده الكاميرا dsrl لها عدسات تقلل الاهتزاز و الnoise

شكرا يا باشا على ردك وانا عارف انها مش كاميرا احترافيه بس انا بقول اشتغل بيها شويه اتعلم عليها وبعد كدا اجيب نوع محترم

معلش سؤال رخم هو انا لو ظبط الايزو على 100 هيكون كدا كويس او معقول علشان يكون الصور معقوله او اقصى حاجه كويسه الكاميرا تقدر عليها وبليل اخليها ايزو 200 ولا ممكن ازود شويه بسيطه علشان الصور تكون كويسه مش مهزوزه بالشكل ال كانت بتكون عليه

المشاركة الأصلية كتبت بواسطة mahmoud naguib

بص يابطل
الأيزو هو اللي بيحدد كمية الضوء اللي داخل الكاميرا وكل ما بتعليه كل ما الصورة بتبقى مهزوزة ومش واضحة وفيها نغمشة كتير وبقع بيضة !!
إنت بتتكلم ف أيزو ١٦٠٠ !!
دي كارثة !!
مينفعش الأيزو بحال يزيد عن ٨٠٠ !
ليها حلول تانية انك تكبر فتحة العدسة أو انك تقلل الشاتر وتقليل الشاتر طبعا هو الحل الأمثل !
لو كاميرتك فيها الخواص دي اظبط فتحة عدسة واسعة ولتكن ٣,٤ ولو أقل يبقى تمام وشاتر ١ مثلا هتظبط معاك

اعتقد لو الكاميرا بتتكلم كانت شتمتنى ههههههههههههه انا كنت ظابط على 1600 ايزو على اساس انه بيحسن الصوره جهل بقا هههههههههههه


انا كدا فهمت يا باشا ربنا يكرمك وانا هخليه على 100 او 200 ايزو واجرب ربنا يكرمك


وانا فعلا عندى التحكم فى فتحه العدسه

بس ايه الشاتردا يا باشا

المشاركة الأصلية كتبت بواسطة marsguy

أيزو 100 أو 200 ده مش هاينفع بالليل

كده الصور هاتطلع غامقه. أيزو 100 ده محتاج يكون في إضائه جامده

موضوع الأيزو مش مطلق، بمعنى ممكن لو معاك كاميرا السنسور بتاعها كبير ومحترم زي مثلاً ال full frame cameras الأيزو 800 أو 1000 فيها مش هايعمل noise زي لو كاميرا تانيه وسط كان الأيزو فيها مظبوط على 1000.

بس طبعاً بما إن الكاميرا للي مع حضرتك وسط يبقى مؤكد إن الأيزو العالي ده هايؤدي إلى noise عاليه.

انا كنت عامله على 1600 ايزو والكاميرا مش احترافيه يعنى كنت بهرج بصراحه وحاليا قللته جامد فى والحمد لله الصور افضل كتير


طب إيه الحل؟ الحل إنك تزود فتحة العدسه أو تقلل سرعة الشاتر أو تعمل الإثنين وتحاول تزود الإضائه لو تقدر عن طريق فلاش أو لمبات ... إلخ


انا مش عندى ظبط الشاتر دا فى الكاميرا ال معايا ومش عارف يعنى ايه شاتر اساسا

في حاجه إسمها الـ exposure triangle ودي ببساطه نظرية إن الضوء اللي داخل للكاميرا بيتحكم فيه 3 حاجات ممكن تمثلهم في صورة مثلث ذو 3 أضلاع.


ا

• الضلع الأول: فتحة العدسه. كل ما فتحة العدسه تكبر كل ما الضوء الداخل يزيد.
• الضلع الثاني: سرعة الغالق. كل ما يكون بطئ كل ما يدخل ضوء أكثر. بس كل ما هاتقلل سرعة الغالق كل ما فرصة إن الصوره تطلع مهزوزه هاتزيد.
• الضلع التالت: الحساسيه أو الأيزو. كل ما الرقم يزيد يبقى إنت محتاج ضوء أقل عشان الصوره تبقى منوره بس ده على حساب الnoise اللي إتكلمنا عليها.

ده شكل ال exposure triangle :





طبعاً ممكن تقلل طلع وتطول ضلع تاني وهكذا. يعني مش بالضروروه دايماً يكون اضلاع المثلث متساويه.

شكراً

مش عارف اقول لحضرتك ايه بجد جزاك الله كل خير يا باشا وربنا يبارك فيك