أولا الف مبروك على العربية و ربنا يديك خيرها و يكفيك شرها
بالنسبة لأسئلتك
1) ايه هو سائل تبريد المحرك و دا اضيفة كل اد ايه و اقيسة ازاي وهل له نوع معين اجيبة ومنيين لو سمحتوا ولا هو مياه ؟؟
سائل تبريد المحرك بتزوده لما العربية تكون زيرو و ما يتغيريش لمدة 3 سنوات حسب ما أتذكر و فيه أنواع كتيرة لازم تتأكد من الوكيل النوع اللى بينصح بيه و بعد لما تخرج العربية من الضمان و لو مش عايز تتعامل مع الوكيل تقدر تجيبه من بنزينة لكن يكون نفس النوع اللى موجود فى العربية مياه حمراء أو خضرا أو زرقا و بلاش خالص مياه الحنفية لإنها حتسببلك مشاكل فى دورة التبريد أما إزاى تزود المياه بتفتح الردياتير و تشوف لو ناقص زوده بحيث تترك مكان للهواء علشان السخونة و الضغط
2) زيت الفرامل وزيت المحرك دول بردو اقيسهم ازاي و اضيفهم كل اد ايه و هل انا اللي بضيفهم ولا بتروح العربية لميكانيكي او كدة لان الوكيل بتاع كيا الناس خوفتني منة
زيت الفرامل المفروض بالنسبة لعربية زيرو يكون مظبوط و ما تجيش ناحيته غير بعد عدة سنوات برضوا زيت الموتور بيتغير حسب كتالوج السيارة ما يقول و يفضل تغييره فى التوكيل علشان لا تفقد ضمان السيارة بالنسبة لزيت الفرامل تقدر تشوفه فى الموتور حتلاقيه علبة بلاستيك صغيرة غطاها غالبا اسود زيت الموتور فيه مقياس بتشده تعرف مقاسه فيه فى المقياس علامات بتحددلك حالة كمية الزيت بالنسبة للتوكيل لازم تروحله حتى لا تفقد ضمان السيارة
3) سائل غسل الزجاج كمان ده اجيبة منين و لو فيه نوع معين
فيه أنواع فى البنزينات و ممكن تحط مياه عادية و تزودها بمنظف زجاج
أتمنى اكون قدرت افيدك و مبروك تانى على العربية
المفضلات