ارجو الرد لاهمية لمن مر بتلك الظرف

**MOMODENGER** · 25-03-2015 10:16 AM

صباح الخير على احلى ناس الحقيقة انا لاحظت شئ غريب وعاوز اخد رايكم فية الا وهو انى لما اشتريت العربية اخدت براءة ذمة من المالك وبانها صفر ومعلهاش حاجة وبعد فتح موقع الانترنت كنت من حب الاستطلاع الاقيها برضة صفر ولكن النهارد بفتح لاقيت عليها مخالفة من خمس شهور بالرغم ان المالك مجدد ارخصة من شهرين وانا شارى من شهر وبراءة الذمة كانت صفر يا ترى الموقع بيخرف ولا هما الى بيدخلونا فى خورات ..عاوز رائيكم

**Abo_Mazen** · 25-03-2015 10:42 AM

دي مخالفات على المالك القديم وكانت لسه منزلتش ..تروح المرور تتظلم ..المخالفات هتتشال من عليك وتنزل على المالك القديم لو ليه رخصة قياده خاصة ..خلي بالك ..ممكن وكيل النيابه يغتت ويقولك منتقلتش ملكيه ليه لغاية النهارده ؟؟؟......

**MOMODENGER** · 25-03-2015 12:18 PM

الف شكر على الاهتمام شكلى لازم اروح بنفسى واشوف المخالفة على السيستيم هناك علية فلوس ولا لا ربنا يستر وانا اتصلت بصاحب العربية القديم وقالى انا دافع كل شئ وانت معاك شهادة بكدة زى ما تحس انة بيقولى فكك .............

**Abo_Mazen** · 25-03-2015 12:54 PM

المشاركة الأصلية كتبت بواسطة momodenger

الف شكر على الاهتمام شكلى لازم اروح بنفسى واشوف المخالفة على السيستيم هناك علية فلوس ولا لا ربنا يستر وانا اتصلت بصاحب العربية القديم وقالى انا دافع كل شئ وانت معاك شهادة بكدة زى ما تحس انة بيقولى فكك .............

لا فكك مين ..شوف المخالفه بأنهي تاريخ ..لو تاريخ وجود العربيه معاك يبقى المخالفه دي بتاعتك ..وموضوع إن هي مكانتش نازله على النت دي كانت مسألة وقت وأهي نزلت ..لكن لو بتاريخ العربيه كانت موجوده معاه ..يبقى مفيش فكك ..خش لوكيل النيابه أو ضابط الوحده وقوله على اللي حصل ووريله شهادة المخالفات اللي المالك القديم جايبهالك ..وقوله أهي شهادة المخالفات لغاية عندي كانت نضيفه ..هما بقى في الحاله دي ..إما بيرموا المخالفه على الرخصه بتاعة المالك القديم ..ده لو لقوا ليه رخصه عندهم في نفس المرور ..أو بتنزل تنفيذ أحكام في ملفه كمواطن ..يعني لما يروح يطلع أي شهاده هيلاقي المخالفات دي ..أو وكيل النيابة ممكن يطلع غتيت ويقولك ما نقلتش ليه ملكيه لغاية دلوقتتتتتتي...ويقولك عارف لو كانت الرخصه بإسمك ..كنت شلتها من عليك ..عموما هي محتاجه فعلا زيارة للمرور