عداد البنزين في النوبيرا حيجنني ارجو الافاده

**amr83** · 25-03-2015 10:30 PM

عداد البنزين كان بيخرف بعد النص بمعني يطلع فوق شويه و ينل تحت شويه مكدبتش خبر و طلعت علي الكهربائي كنت شاكك في العوامه فكهها و بص عليها و بعدين قالي المشكله في العداد فكه و نضفه و بعدين نضف العوامه و قالي فول و جرب فولت و رجعت البيت لقيت الطلمبه بتنفس روحت تاني يوم غيرتها بواحده اصلي جديده بالعوامه بتاعتها و مشيت حوالي 80 كيلو و عداد البنزين حالف ما ينزل غير همسه اعمل ايه افيدوني يا اهل الخبرة

**amr83** · 26-03-2015 01:58 AM

119 مشاهدة و مفيش حد رد و لا عبرني

**toshipa** · 26-03-2015 11:16 AM

لو كان العيب من العداد اعتقد كان يظهر معاه وهو بيركب العوامة
لان المفروض وهو بيركب العوامة بتبص انت على العداد وهو بيحرك العوامة لفوق ولتحت وتشوف مدى تجاوب العداد وحركته فى الطابلوه
لان كان حصل معى نفس القصة وروحت لواحد وقالى غير العوامة عشان سلك الدائرة اللى فيها وروحت لواحد تانى قولت له فكها وصنفرها على خفيف ونشوف هتعمل ايه والتجربة نفعت وبقالها اكثر من سنة من غير مشاكل

لاكن اذا العداد تحرك مع حركة العوامة ولكن مش مظبوط يبقى على طول عوامة
هذا ماحدث معى والراى الاخير ننتظره من خبراؤنا فى القسم