الموضوع: التوحد و القصور الذهنى

شكرا لردك, لو عند حضرتك فكرة عن افضل هذه المراكز? و كيفية اعادة تاهيل الطفل فى هذه المراكز

المشاركة الأصلية كتبت بواسطة 7oda

http://www.nilemotors.net/nile/195475-a.html
http://www.nilemotors.net/nile/177926-a.html
http://www.nilemotors.net/nile/254464-a-2.html
http://www.nilemotors.net/nile/422402-a.html

شكرا لحضرتك, قريت المواضيع المفيدة. شكرا لاضافتك

المشاركة الأصلية كتبت بواسطة إنسانة

القصور الذهني مصطلح مش محدد فهل المقصود بيه طفل بيعاني من انخفاض مستوى الذكاء ؟ وإيه الجهة اللي شخصته ؟

هجاوبك على اساس المصطلح الاعم وأأمل من حضرتك التوضيح لان القصور الذهني aaidd ممكن يكون مش بينطبق عليه معايير الاعاقة العقلية aamr وفي الحالة دي مش ممكن نحددلك عن بعد اذا كان حالة متصفة بالديمومة او مرض يمكن علاجه

مراكز التأهيل هم المنوط بهم تشخيص الحالات وهم اللي بيتعاملوا مع الجهات الرسمية في الدولة وهم المعتمد عليهم في النسب والاحصائيات والميزانيات للمعاقين فهم الجهة اللي بتتحدد

الحالات دي بيتم التشخيص والتأهيل والمساعدة عن طريق مراكز الرعاية النهارية او الدائمة ودا بيكون عن طريق اخصائي بيطبق عليه معايير ومقاييس معينة متفق عليها دوليا وهي معايير جرسمان اللي تم تبنيها من الجمعية الامريكية او aamr

للتشخيص المبدأي على مقياس بينيه او كسلر او مقاييس معتمدة بحسب الدولة وممكن اللي يكتشف الحالة مدرسته او دكتوره ولكن اللي بيبدأ بالتشخيص المبدأي على المقاييس السيكومترية المعتمدة هو الاخصائي

وبعدها الاخصائي بيقرر ارساله لفريق العمل

الفريق بيكون مكون من دكتور اطفال و دكتور نفسي واخصائي اعاقة عقلية واخصائي اجتماعي واخصائي علاج طبيعي وممكن عدد اكبر لو الحالة تستدعي

بعدها بيتكتب تقرير مفصل عن الحالة بيصف فيها وضعه الصحي والنفسي ومستواه العقلي ومدى شدة الاعاقة ومدى احتياجه للخدمات المساعدة وبتتكتب خطة التأهيل

وبيتوزع العمل على الفريق واللي بيكون قريب من الحالة وبشرف عليها وبيتابع مع كل الفريق هو اخصائي الاعاقة العقلية


وفي العموم لو هي حالة انخفاض في مستوى الذكاء فدي حالة مش مرض والحالة لا علاج لها


اما لو اقترن الاعاقة العقلية بالتوحد فدا بيدخلنا في حالات الاعاقات المتعددة وممكن نقول الاعاقة العقلية حالة ولكن صعب نقرر ان التوحد حالة

والتوحد مختلف عليه من الباحثين هل هو حالة يمكن علاجها او مرض

ولكن غالبا التوحد لما بيقترن بالإعاقة العقلية بيخلي الطفل عنيف وشديد العدائية وصعب فصله عن عالمه ممكن يتم تهدئته بالأدوية بس بيفضل توحدي

كنت اتمنى اقدر افيدك بخصوص المراكز بس أنا معرفش مصر ظروفها ايه

وفي العموم المركز بيعمل على تنمية مهاراته بأقصى قدر ممكن بحيث يقدر يعتمد على نفسه بقدر المستطاع بتقديم التدريب والتأهيل التربوي و النفسي والاجتماعي والوظيفي والمساندة بالأجهزة والعلاج لو تطلبت الحالة

بتمنالك التوفيق

شكرا لاضافتك المميزة جدا, شكلك ليكى علاقة مهنية بالموضوع ده. انا بس نفسي فى مركز متميز يساعد الطفل, و يشخص حالته مظبوط, هو بقاله فترة فى احد المراكز بس مش ملتحظة تحسن.