الموضوع: حد يعرف اسعار المواتير فيكترا بى

بص حضرتك التكلفة تقريبا واحدة -- لكن الفرق في الوقت تسقيط المكنة يومين بالكتير لكن العمرة فيها اسبوع
الفوائد انك العمرة انت شاري كل حاجة بايدك جديدة وقدام عينيك لكن الموتور الاستيراد انت وحظك !!!!

نصيحة مني متعملش عمرة هتندم لو عملتها هات ماتور من علي نص احسن مليون مرة مفيش اصلا 1600 كامة واحد استيراد و لو بتقارن بين 1800 و 2000 يبقي هات 2000 ايكوتيك

المشاركة الأصلية كتبت بواسطة احمد فهمى

كل عمرات الاوبل فشلت وهتكلفك تمن متور اشتري 2000 سي سي ابعد عن ال1800

أستاذى الكبير / أحمد فهمى
لأول مرة أختلف معاك فى الرأى أنا عن تجربة شخصية عملت بنفسى عمرة للماكينة من حوالى شهر وكانت على الوجه التالى :
1 - طقم شنبر
2 - طقم سبيكة مقاس زيرو
3 - تجليخ الكرنك فقط دون خراطة كاملة
4 - طرمبة زيت
5- طقم جوانات كاملة ( مانفولد - فرن - وش سلندر )
6- طقم جلد صباب .( مع عمل روديه للوش )
7- أخذ خلوص الكراسى للكرنك والبيلات
8 - تغيير أولسيهات الماكينة بالكامل .
9 - تغيير عدد 4 شواكيش كامة .
10 سير مجموعة وسير كاتينة
وبعد ذلك قمت بالتليين وماشاء الله الماكينة رجع عزمها وصوتها بحالة الزيرو ولا مشاكل والحمد لله سوى بعض نقط الزيت القليلة من كارتير الزيت رغم تغيير جوانها بواحد جديد بالصاجة ( كامل )
فما هى مشكلة العمرة عند صنايعى كويس وهيعمل إيه أكثر من كدة علشان ما تنفعش الماكينة .

المشاركة الأصلية كتبت بواسطة احمد فهمى

كمان كام شهر بعد دخول الصيف بلغنا الوضع ايه ووضح صرفت كام ووقت اد ايه لﻷفاده

بإذن الله سوف أطمئن حضرتك باستمرار
أما عن المصاريف
طرمبة زيت برازيلى 800 جنيه
جوان وش سلندر 80 جيتز
أولسيه كرنك بالمقاس 40 جنيه
جوان فرن 25 جنيه
جوان ماانفولد 20 جنيه
طقم شمبر ألمانى 420 جنيه
طقم سبيكة sk ألمانى 450 جنيه
طقم جلد صباب 70 جنيه .
4 شواكيش استيراد 100 جنيه ( لانوس )
فلتر زيت 40 جنيه .
جوان كرتيرة 250 جنيه بالصاجة .
سير كاتينة 100
سير مجموعة 65 ( بتاع النوبيرا )
الإجمالى حوالى 2450 جنيه
أما بالنسبة للوقت بدأت فك يوم الخميس 12 مساءً دورت السبت بعد العشاء
مصنعيات = صفر لأن الشغل أنا عملته ما عدا تجليخ الكرنك فده عند صديق شخصى خراط ( دون مقابل )